Վիրավորների վիճակը բարելավվում է.Արմեն Մուրադյան
Կառավարության նիստի ավարտից հետո լրագրողների հետ զրույցում ՀՀ առողջապահության նախարար Արմեն Մուրադյանը՝ խոսելով Արցախում վիրավորված և Հայաստան տեղափոխված վիրավոր զինծառայողների առողջական վիճակի մասին ,ասաց. «Կարող եմ միանշանակ ասել, որ բոլոր հիվանդների, վիրավորների համար ամենաբարձր մակարդակի պայքար է գնում, բոլոր հնարավորությունները կիրառվում են, բոլոր հնարավորությունները մոբիլիզացվել են, որ հնարավորինս արագ ապաքինենք: Ծայրահեղ ծանր հիվանդներից բազմաթիվ դեպքեր ունենք, որոնք արդեն ապաքինման շրջան են մտնում, կայունացել են դեպի կայուն ծանր: Իհարկե, դեռ ունենք վիրավորներ, որոնց համար պայքարում ենք, որ կայունացման շրջան մտնենք: Բայց նրանք գնալով ավելի ու ավելի պակասում են՝ հաշվի առնելով, որ շատանում է կայուն հիվանդների, կայուն վիրավորների թվաքանակը: Այսինքն՝ բժշկական օգնությունը հասնում է իր նպատակին, և վիրավորների վիճակը գնալով բարելավվում է»: Արդյոք դրա կարիքն ունեցող զինծառայողներից մեկի պրոթեզավորումը կլինի անվճար, թե ոչ հարցին, Արմեն Մուրադյանն ասաց, որ պետությունն այդ հոգսը վերցնելու է իր վրա, այդ հարցով զբաղվում են, սակայն դեռևս ժամանակավրեպ է քննարկել այդ հարցը՝ հաշվի առնելով, որ պետք է լինի այն փուլը, երբ հնարավոր է կիրառել պրոթեզավորման մեխանզիմները. «Այդ բոլոր խնդիրները մեր ուշադրության կենտրոնում են»:
Հետևեք մեզ Viber-ում
