Թուրքիայի հարավում փաստացի քաղաքացիական պատերազմ է ընթանում.ՌԴ
Թուրքիայի ղեկավարությունը ոչ այնքան պայքարում է երկրում արմատականների դեմ, որքան համագործակցում է նրանց հետ,- քաղաքացիների հետ «ուղիղ կապի » ժամանակ ասաց ՌԴ նախագահ Վլադիմիր Պուտինը՝ անդրադառնալով Եգիպտոսի եւ Թուրքիայի հետ ավիահաղորդակցության վերականգնմանը: Պուտինի խոսքով՝ ներկայումս Կահիրեն Սինայի թերակղզում պայքարում է արմատականների դեմ: «Ինչ վերաբերում է Թուրքիային, այստեղ մենք տեսնում ենք նույն պատկերը: Իհարկե, մեր կարծիքով, Թուրքիայի այսօրվա ղեկավարությունը ոչ այնքան պայքարում է երկրում արմատականների դեմ, որքան համագործակցում է նրանց հետ: Ես ավելի քան վստահ եմ, որ Թուրքիայի ղեկավարությունը ձգտելու է ապահովել զբոսաշրջիկների անվտանգությունը, քանի որ դա հսկայական եկամուտ է բերում երկրի բյուջե: Նրանք, իհարկե, կջանան, սակայն կկարողանան արդյոք, դա մեծ հարց է, այդ իսկ պատճառով մենք իրավունք չունենք մեր քաղաքացիներին չասել, որ Թուրքիայում եւ Եգիպտոսում հիմա հանգիստը վտանգավոր է»,- ասեց ՌԴ նախագահը՝ հավելելով, որ Թուրքիայի հարավում փաստացի քաղաքացիական պատերազմ է ընթանում, եւ որքան էլ միջազգային հանրությունը աշխատի դա չտեսնելու տալ, փաստը մնում է փաստ: «Ռուսաստանը Թուրքիային իր ընկերն է համարում, բայց խնդիրներ կան քաղաքական գործիչների հետ: Մենք մեծավմասամբ հարևանների հետ բարիդրացիական հարաբերություններ ունենք: Թուրքիան նույնպես համարում ենք բարեկամ երկիր: Բայց մենք որոշ երկրների պահվածքը ոչ ադեկվատ ենք համարում և համապատասխան կերպով դրանց արձագանքում ենք: Մենք խնդիրներ ունենք քաղաքական որոշ գործիչների հետ, և համապատասխան կերպով դրանց արձագանքում ենք: Մենք աշխատում ենք հանգիստ, առանց կտրուկ գործողությունների»,- հայտաարրեց ՌԴ նախագահ Վլադիմիր Պուտինը՝ուղիղ կապի ժամանակ: «Ռուսաստանը երբեք չի հայտնվի թշնամական օղակի մեջ: Ռուսաստանը կշարունակի արձագանքել իր դեմ թշնամական գործողություններին: Եթե մեկը որոշել է խորտակվել, նրան արդեն անհնար է փրկել: Բայց մենք պատրաստ ենք օգնության ձեռք մեկնել յուրաքանչյուրին, եթե նա ինքը դա ցանկանա»,- հավելեց Պուտինը՝ պատասխանելով 12-ամյա աղջնակի հարցին, թե եթե խորտակվեին Ուկրաինայի նախագահ Պյոտր Պորոշենկոն և Թուրքիայի նախագահ Ռեջեփ Թայիփ Էրդողանը, ո՞ւմ առաջինը կփրկեր Պուտինը:
Հետևեք մեզ Viber-ում
