Եթե խորտակվեին Պորոշենկոն ու Էրդողանը, ո՞ւմ առաջինը կփրկեր Պուտինը
«Ռուսաստանը երբեք չի հայտնվի թշնամական օղակի մեջ: Ռուսաստանը կշարունակի արձագանքել իր դեմ թշնամական գործողություններին: Եթե մեկը որոշել է խորտակվել, նրան արդեն անհնար է փրկել: Բայց մենք պատրաստ ենք օգնության ձեռք մեկնել յուրաքանչյուրին, եթե նա ինքը դա ցանկանա»,- երկրի քաղաքացիների հետ ավանդական «ուղիղ կապի» ժամանակ հայտարարեց ՌԴ նախագահ Վլադիմիր Պուտինը՝ պատասխանելով 12-ամյա աղջնակի հարցին, թե եթե խորտակվեին Ուկրաինայի նախագահ Պյոտր Պորոշենկոն և Թուրքիայի նախագահ Ռեջեփ Թայիփ Էրդողանը, ո՞ւմ առաջինը կփրկեր Պուտինը: Թուրքական ղեկավարությունը ոչ այնքան պայքարում է ծայրահեղականների դեմ, որքան համագործակցում նրանց հետ,-հայտաարրեց Պուտինը: ՌԴ նախագահին հարց ուղղեցին նաև Թուրքիայում հանգստի մասին,ինչին ի պատասխան նա նշեց, որ այժմ Թուրքիայում հանգիստը վտանգավոր է, երկրի հարավում փաստացիորեն քաղաքացիական պատերազմ է ընթանում։ ՌԴ նախագահը նաև վստահություն հայտնեց, որ Թուրքիայի ղեկավարությունը կձգտի ապահովել զբոսաշրջիկների անվտանգությունը, բայց թե արդյոք նրանք կկարողանա՞ն դա անել՝ մեծ հարց է:
Հետևեք մեզ Viber-ում
