Հարբած սևազգեստ ոստիկանները գիշերը ծեծի են ենթարկել մի քաղաքացու (video)
«Երեկ գիշերը, երբ մի քաղաքացի, փակելով իր վարձակալած տարածքի դռները, ցանկացել է տուն գնալ, նրան մոտեցել են երկու սևազգեստ մարդիկ՝ հարբած: Նրանք ներկայացել են որպես ոստիկան: Այդ մարդիկ, կասկածելով, որ քաղաքացին փորձում է թալանել տարածքը, նրան հրելով մտցրել մեքենան: Քաղաքացին պահանջել է թղթեր, արդյունքում պարզվել է, որ վերջիններս իրոք ոստիկաններ են: Ոստիկանները մարդուն ծեծելով մտցրել են մեքենա, որտեղ շարունակել են ծեծել նրան: Այսպես այդ քաղաքացուն հասցրել են ոստիկանության բաժանմունքի մոտ, որտեղից դուրս են եկել ոստիկաններ, ովքեր շարունակել են ծեծը, հետո մի ոստիկան տեսել է այդ քաղաքացուն և ասել է, որ ճանաչում է վերջինիս: Հավանաբար դա եղել է թաղայինը: Դրանից հետո այդ քաղաքացուն բաց են թողել»,- ԱԺ-ում հայտարարեց ԼՀԿ-ական պատգամավոր Գևորգ Գորգիսյանը :
ԴՍա չպետք է անհետևանք մնա, մենք հանցագործության մասին հաղորդում ենք ներկայացրել: Ցավում եմ, որ սևազգեստ մարդկանց դեմ պայքարը ոստիկանությունն այսպես է ընկալել,հավելեց պատագամավորը:
ԱԺ նախագահն իր հերթին հայտարարեց, որ դրամատիզացնելու կարիք չկա, եթե հանցագործություն է եղել, պետք է դիմել պատկան մարմիններին:
Իմ քայլը խմբակցության պատգամավոր Նիկոլայ Բաղդասարյանն էլ հայտարարեց, որ այդ պատմություն պատմողը սուտ է ասել, ինքը բացառում է, որ Հայաստանում նման ձևով մարդուն ծեծել, հետո ճանապարհել: Նման բան տեխնիկապես անհնար է եղել նույնիսկ նախորդ իշխանությունների ժամանակ: Պատգամավորի խոսքերով, այդ պատմությունը հորինված է, իսկ Գորգիսյանը պետք է քթածակ ունենար դա հասկանալու համար:
Գորգիսյանը նշեց, որ իր ներկայացրած պատմության մեծ մասը նկարահանվել է մոտակայքում եղած քաղաքացիների կողմից, տուժողը դիմել է բժիշկներին քթի կոտրվածքով: Նա նաև հորդորեց կոռեկտ լինել ձևակերպումների մեջ ու չմեղադրել քաղաքացուն պատմություն հորինելու մեջ:
ԱԺ նախագահ Միրզոյանի խոսքերով էլ տեսականորեն ամեն ինչ հնարավոր է, պետք է հարցը պարզել:
Հետևեք մեզ Viber-ում
