Ծաղր՝իշխանության մակարդակով
2018թ. ընթացքում Մարդու իրավունքների պաշտպանի գործունեության, մարդու իրավունքների և ազատությունների պաշտպանության վիճակի մասին տարեկան հաղորդումն էր քննարկվում: Զավեշտի ոլորտից էին իմքայլականների՝ մարդու իրավունքների պաշտպանության մասին հարցադրումներն ու մտահոգությունները: Ահավասիկ, Թագուհի Ղազարյանը մտահոգված է, որ Հայաստանում բռնության կոչեր են տարածվում. «Քաղակտիվիստ Վարդան Հարությունյանին ծեծելու ինքնախոստովանական ֆլեշմոբ է տեղի ունենում, ասում են՝ իրենք են ծեծել և պատրաստ են շարունակաբար ծեծել, և գնում հանձնվում են ոստիկանություն: Բռնությունը օնլայն տիրույթից տեղափոխվում է օֆլայն տիրույթ. Ձեր գնահատականը»,- ՄԻՊ Արման Թաթոյանին ասաց «Իմ քայլը» խմբակցության պատգամավորը:
Նրա խոսքով՝ լրագրող Գեղամ Մանուկլյանն է կոչ արել այդ հորդորները տարածել. «Կուզեի սրան անդրադառնայիք խոսքի, ԶԼՄ-ների ազատության կոնտեքստում: Իսկ «Երկիր մեդիա» անունով լրատվամիջոցը տարածել է այդ լրագրողի բռնության կոչի գրառումը»:
Իշխանականների այսօրինակ հարցադրումները քաղաքական անմեղսունակության վառ վկայություն են. Շուրջ մեկ տարի է հանրությունն ապրում է համատարած սարսափի մթնոլորտում, որը ձեւավորել են այս իշխանություները, բայց օրերից մի օր իշխանության ներսում չտեսանք մեկը մտահոգվեր այդ առիթներով: Օրինակ, երբ նախընտրական կուլմինացիային Նիկոլ Փաշինյանը հարթակից կոկորդը պատռում էր, սպառնում ոմանց ծեփել պատերին, փռել ասֆալտին, հեչ մեկիդ մտքով չէր անցնում հետաքրքրվել՝ ինչպես են իրենց զգում ոչ այնքան հպարտ քաղաքացիները, որոնց սպառնում էր ասֆալտն ու պատերը…
Երբ Փաշինյանը բացեիբաց ասում էր, գրեթե իրեն բան պատահի, ապա գրոհեք այդ մարդկանց ընտանիքների վրա, խոսքն անշուշտ հասկանալի է, թե ում մասին է:
Ինչ-որ մարդիկ մտահոգված են ինչ-ինչ իրավունքներով, այն պարագայում, երբ իրենց վարչապետը թքած ունենալով առհասարակ իրավունքի եւ պետական ինստիտուտների երեսին դաշնակցական եւ ԲՀԿ-ական նախարարների ազատման դիմումները ստորագրեց փողոցոմ՝ հայտնի իրադարձությունների օրը: Դա քիչ էր, կոչ արեց շրջափակել պետության թիվ մեկ քաղաքական կառույցը՝ խորհրդարանը ու հենց այդ օրն է բացահայտ շանտաժի ու սպառնալիքների արդյունքում պարտադրեց արտահերթ խորհրդարանական ընտրություններ: Այսօր էլ նա պատուհաս է դարձել դատական իշխանության գլխին, դատարանները շրջափակելու կոչից հետո հարաբերական անդորր է, բայց շուտով թերեւս գործընթացներ կսկսվեն ՍԴ-ի դեմ: Հետաքրքրական է՝ ամիսներ առաջ Փաշինյանն ասում էր՝ ցույց տվեք մի դատավոր, որ իմ ասածը չանի, ամիսներ հետո ասում է՝ դատական իշխանությունը այլ ուժերի ազդեցության ներքո է, հակահեղափոխական է եւ այլն:
Մի խոսքով՝ երկրում ամեն քայլափոխին իրավունք է ոտնահարում, իսկ իմքայլականներն լուռ են, ինչպես ձուկը, բայց երբ դա վերաբերում է ուրիշներին, նրանք աղաղակում են:
Անի Սահակյան
Հետևեք մեզ Viber-ում
