Նա արդար է և անմեղ. Արտակ Զեյնալյան (video)
Այսօր՝ հունիսի 4-ին, ՀՀ Արդարադատության նախարար Արտակ Զեյնալյանը, խոսելով Սահմանդրական դատարանի անդամի թափուր տեղի համար փաստաբան Վահե Գրիգորյանի թեկնածության առաջադրման և այն տեսակետի մասին, որ նախագահի ինստիտուտի վրա ճնշում է եղել, նշեց, որ ինստիտուտները կարող են միմյանց նկատմամբ ազդեցություն ունենալ տարբեր դրսևորումներով, այն փափուկ է և իրավաչափ, հարիր է քաղաքական մշակույթին, եթե այդպիսին գնահատվում է չքվեարկելը կամ դեմ քվեարկելը:
«Նախագահն իրացրեց իր իրավունքը և Սահմանադրությամբ նախատեսված իր իրավունքով առաջադրեց թեկնածուին: Այդ ամենը սահմանադրական է, իրավաչափ է»,- ասաց նա:
Զեյնալյանը փաստեց, որ թեև Գրիգորյանը երկրորդ անգամ է առաջադրվում, այնուամենայնիվ, սահմանադրական որևէ արգելք չկա՝ երկրորդ անգամ առաջադրել նույն թեկնածուին: Նախարարը տեղեկացրեց, որ Վահե Գրիգորյանին ճանաչում է. «Նա իրավունքի կատեգորիաներով մտածող անձնավորություն է: Կարծում եմ, որ անաչառ է ու կաշկանդված չէ որևէ կարգավիճակով: Լավագույն իրավաբաններից մեկն է:
Վահե Գրիգորյանն ընդդեմ Հայաստանի Հանրապետության» գործով Եվրոպական դատարանի վճիռ կա, որով հաստատված է նրա անմեղությունը: Սա չի կարող շահարկման թեմա դառնալ. նա արդար է և անմեղ: Նա շատ կարևոր ներդրում է կատարել իրավունքի զարգացման ոլորտում նաև իր՝ «Վահե Գիրգորյանն ընդդեմ Հայաստանի» գործով»»:
Հետևեք մեզ Viber-ում
