Այլևս « կոնֆետ ու պեչենի մի ուղարկեք», «նաչնոյ վիդենիա» և «տեպլովիզոր» ուղարկեք.Ռուբեն Հախվերդյան
« Ինձ ասել են, որ օլիգարխներին փոխանցեմ, որ այլևս « կոնֆետ ու պեչենի մի ուղարկեք, պետք չի, դրա փոխարեն ուղարկեք «նաչնոյ վիդենիա» և «տեպլովիզոր»»,-Հայելի ակումբում հրավիրված ասուլիսում առաջին գծում գտնվող ընկերոջ՝ ազատամարտիկ Վարդան Գևորգյանի պահանջը փոխանցեց հեղինակային երգիչ Ռուբեն Հախվերդյանը: Ասուլիսի ժամանակ զանգեց ազատամարտիկ ընկերոջը, ով նույնը կրկնեց: Ազատամարտիկը նաև ասաց, որ առաջին գծում են, զինվորների կողքին ու բոլորի «դուխն էլ տեղն» է: Նա ասաց, թե 2500-ից ավելի հակառակորդ են խփել այս օրերին ու 35 տանկ : «Էդ օլիգարխիկները թող տեղներից շարժվեն ու հերիքա, կոնֆետ ու պեչենի թող չուղարկեն»,- կրկնեց նա: «Այս քառօրյա պատերազմը ռուսական ծրագիր էր: Չեմ ուզում ասել, որ նույն պլանը կիրառում են հիմա, բայց ռուսների համար Հայաստանը միշտ էլ եղել է այն, որ Армения без армян լինի:Ադրբեջանը բոլորովին չէր սպասում, որ այսպիսի հակահարված կստանա, իսկ ռուսների համար ըստ նրա՝ «լրիվ միևնույն էր»: Իրանք միշտ ուշացումով որպես ազատարար զորք գալիս են, բայց պետք չեն նրանք, թող իրենց Ուկրաինայի մասին մտածեն»,- ասաց նա: Նա նշեց, թե չգիտի միջազգային հանրությունն ինչ կանի, բայց որ Թուրքիան էլ մասնակցություն ունի այս ամենում` ակնհայտ է, որոնց հետևին էլ, ըստ երգչի, Ամերիկան է կանգնած:
Հետևեք մեզ Viber-ում
