Այս ճգնաժամի հաղթահարումը «հարյուրամյակի խնդիր» է. Մերկել
TASS գործակալությունը հայտնում է,որ Գերմանիայի կանցլեր Անգելա Մերկելն այն կարծիքին է, որ միգրացիոն ճգնաժամի հաղթահարման համար անհրաժեշտ է ակտիվացնել մարդկանց զանգվածային փախուստի պատճառների վերացմանն ուղղված ջանքերը: «Ես խորապես համոզված եմ, որ մենք պետք է սկսենք փախուստի պատճառների վերացումից և բարելավենք մարդկանց կենսապայմանները»,- ասել է Գերմանիայի կառավարության ղեկավարը: «Չպետք է արագ լուծումներ ակնկալել: Դա հարյուրամյակի խնդիր է»,- ասել է նա և հավելել, որ Գերմանիան ի վիճակի չէ տեղավորել երկիր ժամանող բոլոր փախստականներին: Այդուհանդերձ, նա այն կարծիքին է, որ թեժ կետերից ժամանող փախստականների ընդունումը Եվրոպայի պարտականությունն է: Նրանց ընդունումից հրաժարվելը «չի համապատասխանում մեր արժեքներին»,- ընդգծել է Մերկելը: Կանցլերը նաև համոզմունք է հայտնել, որ ԵՄ-ի ներսում սահմանային հսկողություն հաստատելը չի լուծի խնդիրը։
Հետևեք մեզ Viber-ում
