Փակել փաշիբոզուկների բերանը.դիմացը Արցախն է

Նիկոլ Փաշինյանի դեմ Դաշնակցության կազմակերպած հանրահավաքից անմիջապես հետո շրջանառվեց կոնտր հանրահավաք անցկացնելու մասին: Սոցցանցերում աննախադեպ ոգեւորություն կար սպասվելիք կոնտր հավաքի հետ կապված եւ գրեթե բոլորը հուժկու հավաք էին կանխատեսում: Բայց Ազատության հրապարակում նախօրեին Նիկոլ Փաշինյանի մի քանի տասնյակ աջակիցների խայտառակ հավաքից հետո իմքայլականներն իրար հերթ չէին տալիս՝ վտահեցնելու, որ իրենք այդ փոքրաքանակ զանգվածի հետ որևէ կապ չունեն։ Հասկանալի է, ինչպես կարող էին ընդունել, որ ընդամենը ամիսներ առաջ տասնյակ հազարներով աջակիցներ ունեցող Փաշինյանն այնքան է մսխել վստահությունը, որ այսօր մոտ 100 հոգի մարդ է հավաքվում ի աջակցություն իրեն: Բայց հերքելն էլ է անհարմար ստացվում, որովհետեւ ընդամենը մի քանի օր է անցել այն համատարած ցնծությունից, որն ապրում էին սոցցանցերում սպասվելիք հուժկու հանրահավաքի կանխատեսումներով:
««Իմ քայլը» դաշինքը չի կարող աջակցվել ոչ մի հավաքի կամ երթի կողմից, որտեղ հնչում են բռնության և նույնիսկ գրեթե բռնության կոչեր», հայտարարվեց իշխող ուժի կողմից:
Հանրահավաքի առաջնոդ Ջիվան Աբրահամյանը մինչդեռ
խորհրդարանական ընտրությունների ժամանակ «Իմ քայլը» դաշինքի դրոշը ուսին քարոզչություն էր իրականացնում։
Իսկ այսօր արդեն նրան իմքայլական իշխանավորները մերժում են: Պատճառն այն չէ, որ Ջիվանը հակապետական, թրքաբարո հայտարարություններ արեց հանրահավաքի ժամանակ, պատճառն այն է, որ նա չկարողացավ արդարացներ իշխանության սպասելիքները եւ բեմադրել <<ինքնաբուխ>> ակցիա ի պաշտպանություն Փաշինյանի: Սույն երիտասարդն , անշուշտ, իշխանության գծի մեջ փայլեց՝ անելով մի շարք հակապետական, թրքաբարո, անտակտ հայտարարություններ, Ազատության հրապարակում նա բռնության կոչերով էր հանդես գալիս և հայտարարում, որ «քարով կցխի Արցախի նախագահ Բակո Սահակյանի գլուխը», եթե ՀՀ նախկին նախագահ Ռոբերտ Քոչարյանին ընդունեն Արցախում։ Բայց նույնիսկ իր տմարդի ծառայությունը ի չիք դարձավ այն իրողության դեմ, որ երեւաց հրապարակում: Իսկ հրապարակում ժողովրդի վարչապետի աջակցության համար հաշվված մարդիկ էին: Ահա, սա է այս իշխանության դեմքը, ուրիշների ձեռքով պառակտել ազգը, դավաճանական կոչեր անել, բայց վերջում զոհաբերել զոմբիներին, քանի որ նրանք չեն կատարել ամենակարեւոր՝ իշխանության ուժը, լեգիտիմությունը ապացուցելու խնդիրը:

Անի Սահակյան