Բոլորը ճիշտ էին,Նիկոլը սխալվեց

Ազգային ժողովի խորհրդի նիստում 10 դեմ, 5 կողմ ձայներով այսօր մերժել են արտահերթ նիստ հրավիրելու ԼՀԿ-ի նախաձեռնությունը, որին միացել են նաեւ ԲՀԿ-ական պատգամավորները:

Թեման Նիկոլ Փաշինյանի հայտարարության հիման վրա քաղաքացիների կողմից դատարանների շենքերի շրջափակման հետևանքով ստեղծված իրադրությունն է։ ԼՀԿ-ն եւ ԲՀԿ-ն անհրաժեշտ թվով ստորագրություններ հավաքել էին, բայց Իմ Քայլը մերժել է այն: Մամուլում տեղեկություններ եղան, որ իշխող ուժը չի ցանկանում քննության առարկա դարձնել վարչապետ Փաշինյանի կոչը, թե ինչու, պարզից էլ պարզ է:
Առաջին պատճառն այն է, որ իրավաբանականի ուսանող չլինելով էլ կարելի էր գնահատել, որ դատարանների դեմ տեղի ունեցածը հակասահմանադրական է, քանի որ Սահմանադրությունը հստակ ֆիքսում է, որ դատական , օրենսդիր եւ գործադիր իշխանությունները պետք է անկախ լինեն եւ ճնշումներ չգործադրվեն մեկը մյուսի նկատմամբ, խոչընդոտներ չստեղծեն, այնինք մենք տեսանք, որ գործադիրը ի դեմս Փաշինյանի, օրենսդիրը ի դեմս գրեթե բոլոր պատգամավորների գրոհեցին դատարանների վրա:

Իրավիճակն այս առաջացրեց բնական հակազդեություն, հայտարարություններ հնչեցին քաղաքական ու հասարակական կառույցների կողմից, բնականաբար, դատապարտող, նախազգուշացնող, սթափության կոչերով:

Սահմանադրությունից չբխող այս տարական գործընթացի վտանգավորությունը զգում էին ամենացածր կալիբրի կառույցներում, բայց Նիկոլ Փփաշինյանն ու իր թիմը մինչ օրս արդարացնում են իրենց պահվածը ու հայտարարում է, որ դատական իշխանության դեմ գործողությունը հեղափության երկրորդ արարն է ու չկա այստեղ հակասահմանադրական գործընթաց:

Հիմա արտահերթ նիստը տալու էր լավ հնարավորություն, որպեսզի իշխող մեծամասնությունը պնդեր ու հիմնավորեր իր տեսակետը, բայց այստեղ հրաժարվել են ու մերժել նիստ անցկացնելու առաջարկը, անշուշտ, հասկանալով, որ չեն կարող հերքել անհերqելին եւ մրից ելնելու են մրջուրն ընկնեն: Հետեւաբար նիստ անեն, որ ինչ անեն:

Անի Սահակյան