Լրատվամիջոցներն իրենց առաքելությունը կարողացան կատարել. Աշոտ Մելիքյան
Խոսքի ազատության պաշտպանության կոմիտեի նախագահ Աշոտ Մելիքյանը լրագրողների հետ հանդիպմանը հայտարարեց,որ ապրիլի 2-5-ն Ադրբեջանի կողմից սանձազերծված լայնածավալ ռազմական գործողությունների ժամանակ հայկական լրատվամիջոցներն իրենց առաքելությունը կարողացան կատարել: «Որեւէ կարեւոր, շրջադարձային իրադարձություն չվրիպեց Զանգվածային լրատվության միջոցների ուշադրությունից: Լրատվամիջոցների ներկայացուցիչները նոր եւ անսովոր իրավիճակում էին հայտնվել. 1990-ական թվականներին տեղի ունեցածն ու պայմաններն այլ էին, քան այսօր է: Այն ժամանակ այսպիսի տեխնոլոգիաներ չկային, ինտերնետ չկար, օպերատիվության առումով բարդություններ կային, իսկ այսօր այդ ամենը կա: Կարելի է ասել` մի կողմից հնարավորություններն են ավելացել, մյուս կողմից` պատասխանատվությունը:Առաջին օրերին փաստերի պակաս էր զգացվում, որը, սակայն, կարողացան լրացնել այն թղթակիցները, որոնք հենց նույն օրը մեկնեցին Արցախ:Թերություններ էլ կային. օրինակ, կրակի դադարեցման պայմանավորվածությունից մեկ օր անց ադրբեջանական լրատվամիջոցները սկսեցին տարածել, որ Թալիշն իրենցն է: Մեր լրատվամիջոցների ներկայացուցիչները միայն մի քանի օր անց իրենց թղթակիցներին ուղարկեցին Թալիշ` ցույց տալու, որ ադրբեջանական տեղեկատվությունն իրականությանը չի համապատասխանում»,- ասաց Աշոտ Մելիքյանը:
Հետևեք մեզ Viber-ում
