Մինսկի խմբից բեկումնային փոփոխություններ սպասել չի կարելի. Արտակ Դավթյան
«ԵԱՀԿ Մինսկի խմբի համանախագահներից բեկումնային փոփոխություններ, հրաշք փաստաթուղթ, առաջարկություններ սպասել չի կարելի ղարաբաղյան հիմնախնդրի կարգավորման հարցում:Այս պահին համանախագահների գործը պետք է լինի բանակցային սեղանի շուրջ վերադարձնել կողմերին, ավելի ճիշտ՝ ամեն ինչ անել, որպեսզի այս իրավիճակն աստիճանաբար տեղափոխվի բանակցային գործընթաց»,– Հայելի ակումբում հրավիրված ասուլիսում հայտարարեց ԱԺ «Հանրապետական» խմբակցության անդամ Արտակ Դավթյանը՝ անդրադառնալով այս օրերին ԵԱՀԿ Մինսկի խմբի համանախագահների գործողություններին: Կովկաս ինստիտուտի տնօրեն, քաղաքագետ Ալեքսանդր Իսկանդարյանն իր հերթին ասաց, որ այս պահին ԵԱՀԿ Մինսկի խմբի համանախագահների խնդիրն է դադարեցնել արյունահեղությունը, վերսկսել բանակցությունները.«ԵԱՀԿ Մինսկի խմբի համանախագահների խնդիրն է ինչ-որ ձևով վերականգնել բանակցային գործընթացը, որը հանդիսանում է նաև անվտանգության մաս:Մինսկի խմբի համանախագահները շատ լավ հասկանում են այն ամենը, ինչ կատարվել է, բայց նրանք դիվանագետներ են»:
Հետևեք մեզ Viber-ում
