Դատարանում ընթանում է Ռոբերտ Քոչարյանի գործով դատական նիստը, իսկ դատարանի դռների մոտ լարված իրավիճակ է (տեսանյութ)

Երեւանի ընդհանուր իրավասության Նոր Նորքի դատարանում` դատավոր Դավիթ Գրիգորյանի նախագահությամբ, քիչ առաջ մեկնարկեց ՀՀ երկրորդ նախագահ Ռոբերտ Քոչարյանի գործով դատավարությունը։ Այս նիստում պետք է քննարկվի նրա նկատմամբ ընտրված խափանման միջոցի՝ կալանավորման հիմնավոր լինել-չլինելու հարցի քննությունը:

Նիստին մասնակցում է ՀՀ երկրորդ նախագահը, ում դիմավորեցին ծափողջյուններով։

Ներկա է նաև գործով մեղադրյալ Յուրի Խաչատուրովի պաշտպան Միհրան Պողոսյանը:

Մեղադրանքը դատարանում պաշտպանում են դատախազներ Պետրոս Պետրոսյանը, Երևան քաղաքի դատախազ Բիշարյանը, ՀՀ գլխավոր դատախազ Արթուր Դավթյանը:

նշենք, որ դատարանի մոտ բողոքի ակցիա են իրականացնում նաեւ Ռոբերտ Քոչարյանի կողմնակիցները՝ պահանջելով նրան ազատ արձակել։

Ցուցարարների պաստառներից մեկի վրա պատկերված է Տեր-Պետրոսյանն ու գրված է ‹‹Իսկ դու հանգիստ քնե՞լ ես գիշերը››: Մեկ այլ պաստառի գրության համաձայն պահանջվում է անհապաղ դատել Տեր-Պետրոսյանին՝ նրան համարելով դավաճան:

«Փաստինֆո»-ի թղթակիցը հաղորդում է, որ ներկա պահին պաշտպանական կողմը միջնորդություն է ներկայացնում` փոխելու դատական նիստերի դահլիճը` այն պատճառաբանությամբ, որ այն փոքր է և հարմար չէ լրագրողների լուսաբանման համար