Օգտատերերը ծաղրել են Հիլարի Քլինթոնին սատարող հեշթեգը

Twitter-ի օգտատերերը ծաղրել են ԱՄՆ նախագահի թեկնածու Հիլարի Քլինթոնի կողմնակիցների ստեղծած #HillarySoQualified (#ՀիլարինԱյնքանԻրազեկ է) հեշթեգը: Սոցցանցերում արշավի պատճառը Քլինթոնի մրցակից Բեռնի Սանդերսի հայտարարությունն է, որում նա կասկածի տակ է դնում ԱՄՆ նախկին պետքարտուղարի իրազեկվածության մակարդակը, որը նախկինում կողմ էր քվեարկել Իրաքում պատերազմին, ինչպես նաեւ սատարել Պանամայի հետ ազատ առեւտրի մասին համաձայնագիրը: «Ես Հիլարի Քլինթոնի ամենամեծ հակառակորդն էի մոլորակի վրա, մինչեւ կարդացի նրա էլեկտրոնային նամակները #HillarySoQualified»,- գրել է օգտատերերից Jasper-ը: «Չգիտեմ, թե ինչու են ստեղծել #HillarySoQualified հեշթեգը, բայց պարզ է, որ մեզ ոչ մի լավ բան չի սպասվում»,- գրել է Voice Of Indie-ն: «#HillarySoQualified, որ չի կարողանում Պետքարտուղարությունը ղեկավարելու ամբողջ ընթացքում որեւէ խաղաղ ձեռքբերում նշել»,- կատակել է Goodbye Third Way-ը: Այս մասին գրում է ՌԻԱ Նովոստին: