Եվս հարյուր փաստ կունենանք նոր Հայաստանի մասին. Փաշինյան
«Կառավարության գործունեության 100 փաստերի հրապարակումով հաշվետվողականության նոր նշաձող է սահմանվել եւ մենք պետք է հաշվետվողականության հենց այսպիսի ձեւաչափ կիրառենք: Տարեվերջյան իմ ասուլիսում եւս նոր 100 փաստ պետք է ունենանք հասարակությանը ներկայացնելու: Այսօր էլ ունենք այդ փաստերը, բայց որոշեցինք այդտեղ ներառել այն փաստերը, որոնք շատ կոնկրետ են, հասցեական են, Հայաստանի կյանքում, մարդկանց կյանքում տնտեսական իրավիճակում ապագայի նկատմամբ մեր ունեցած վստահության նկատմամբ շատ կոնկրետ բան են փոխել:
Մենք ժամանակ առ ժամանակ պետք է շատ կոնկրետ անդրադարձ ունենք մեր կատարած աշխատանքի արդյունքում արձանագրված այն փաստերն, որոնք Հայաստանի կյանքում կոնկրետ բան են փոխում:
Մենք ոչ թե կսպասենք մինչեւ դեկտեմբեր, որ հավաքենք փաստերը, այլ այդ փաստերի ստեղծումը կլինի մեր ամենօրյա աշխատանքի հիմնական իմաստը: Ես նաեւ ըստ այդմ կգնահատեմ մեր նախարարությունների, կառավարության առընթեր մարմինների աշխատանքը»,-հայտարարեց Փաշինյանը՝ ակնկալելով, որ առաջիկա մեկ տարում կառավարության աշխատանքի արդյունավետության տեմպն ավելի բարձր կլինի»,- կառավարության նիստի սկզբում հայտարարեց ՀՀ վարչապետ Նիկոլ Փաշինյանը:
Հետևեք մեզ Viber-ում
