Որտեղից Արգիշտի Քյարամյանի կնոջը 26 մլն և 46 հազար դոլար (video)
ՊՎԾ պետի պաշտոնակատար Արգիշտի Քյարամյանն այսօր լրագրողներին հայտնեց, որ իր հայտարարագրում ոչինչ չի փոխվել իր նախնական ներկայացրածից:
Հարցին, թե իր կնոջը որտեղի՞ց 26 մլն և 46 հազար դոլարը, Քյարամյանը պատասխանեց. «Ես ամուսնացել եմ ավելի վաղ, քան որևէ պետական պաշտոն եմ ստանձնել, և կինս այդ գումարներն ունեցել է մեր ամուսնությունից առաջ, և հենց առաջին հայտարարագրում ես այդ գումարները ևս հայտարարագրել եմ»:
Դիտարկմանը, թե ինչո՞ւ նախորդ ճեպազրույցի ժամանակ նա չասաց, թե որտեղից իրեն այդքան ունեցվածք, Քյարամյանն ասաց.
«Իրականում, այս պարզաբանումները կարող էի տալ նախորդ ճեպազրույցին, սակայն ինչպես նշել էի իմ պարզաբանման մեջ, բովանդակային առումով, ունեցվածքս չպարզաբանելու միակ պատճառն այն էր, որ ցանկացել եմ ևս մեկ անգամ ընդգծել անձի անձնական կյանքի գաղտնիության իրավունքի կարևորությունը»:
Հետևեք մեզ Viber-ում
