Այս «բլից-կրիգը» Ադրբեջանի կռախն է.Բեքարյան

Ազգային ժողովի պատգամավոր Կարեն Բեքարյանն այսօր լրագրողների հետ հանդիպման ընթացքում ուշադրություն հրավիրեց այն հանգամանքի վրա, որ ռազմական գործողությունների ստարտը մեկ օրվա տարբերությամբ համընկնում է Panama Papers-ի հրապարակումներին` Իլհամ Ալիևի օֆշորային հաշիվների վերաբերյալ։ «Ադրբեջանի ղեկավարը, ով իր կենսագրության մեջ որևէ կապ չի ունեցել Ղարաբաղյան պատերազմի հետ, ունի իրականության զգացողության կորուստ: Իրականության զգացողության կորուստն ուներ ոչ միայն ռազմական, այլ նաև քաղաքական հետևանքներ: Նրան միշտ զեկուցել են զենքի մասին, նա էլ զինվորի երեխայի նման կարծել է, թե կարող ա հաղթանակ ունենալ:Ադրբեջանում մշտական աշխատող թեզը վերջին ժամանակաշրջանում այն է, թե դժգոհ ենք համանախագահությունից»,-ասաց Կարեն Բեքարյանը։ 22 տարի գլոբալ առումով և 10 տարի՝ Իլհամ Ալիևի իշխանության գալով, ադրբեջանական մեքենան աշխատել է այն ուղղությամբ, որ սեփական ժողովրդին սրսկի, թե հենց իրենց թույլ տան՝ հողին կհավասարեցնեն Ղարաբաղի տարածքները: Դա մեկ նպատակի  է ծառայել՝  պատերազմը դեռ չի ավարտվել, և երկրորդ փուլում իրենք կհասնեն հաջողության, հայտարարեց   ՀՀԿ խմբակցության անդամ, «Եվրոպական ինտեգրացիա» ՀԿ նախագահ Կարեն Բեքարյանը Կարեն Բեքարյանը: Նրա խոսքով՝ այն, ինչ ունենք այսօր, աննախադեպ է՝ 1994 թ-ից որևէ մեկը չէր կարող պատկերացնել, որ նման համախմբում կլինի: «Այս «բլից-կրիգը»  Ադրբեջանի կռախն է, Ալիևի իշխանության կռախն է, և Լեռնային Ղարաբաղի Հանրապետության հաղթանակը»,- հավելեց Կարեն Բեքարյանը: