Սամվել Կարապետյանի դուստրը ամուսնալուծությունից հետո առաջին անգամ հարցազրույց է տվել

Երեկ լույս է տեսել Tatler ամսագրի մայիսյան համարը, որի գլխավոր հերոսուհին 29-ամյա Տաթեւիկ Կարապետյանն է ՝ «Տաշիր» ընկերության հիմնադիր Սամվել Կարապետյանի դուստրը, Իգոր Բուլատովի երկու երեխաների մայրը եւ նախկին կինը։

Նշենք, որ Բուլատովն ընտանիքից հեռացել է 35 -ամյա մոդել Վիկտորիա Լոպիրյովայի պատճառով։ Հրատարակության գլխավոր խմբագիր Քսենիա Սոլովեւայի հետ զրույցում Տաթեւիկը պատմել է Իգորի հետ ծանոթության, համատեղ կյանքի առաջին տարիների մասին, ինչպես նաեւ ամուսնու՝ Վիկտորիա Լոպիրյովայի հետ կապվելու և նրանից որդի ունենալու մասին: Այն բանից հետո, երբ Վիկտորյա Լոպիրյովայի եւ Իգոր Բուլատովի սիրավեպի մասին տեղեկատվությունը տարածվեց մամուլում, երկար ժամանակ լռություն էին պահպանում: Ծնողները չէին ցանկացել միջամտել դստեր եւ նրա ամուսնու հարաբերություններին, վստահեցրել էին, որ կաջակցեն նրա ցանկացած որոշմանը: Ստեղծված իրավիճակին Կարապետյանը հանգիստ է արձագանքել եւ Tatler-ին տված հարցազրույցում բացատրել է, թե ինչու.«Որքան էլ տարօրինակ հնչի, ես հասկացա, որ եկել է իմ աստղային ժամը: Ոչ թե ֆոլովերների, ոչ թե բիզնեսի գործընկերների համար, այլ իմ ծնողների, եղբայրների, ընտանիքի:

Ես չէի կարող այլ կերպ վարվել, քան զուսպ և հավասարակշռված լինելն է։ Ինձ համար այս ամենը հսկայական քայլ առաջ էր։ Իսկ Իգորի համար, դե , ինչպես կարող եմ դիմակայել մարդու քայքայմանը, եթե դա իր ընտրությունն է»:

Տաթեւիկ Կարապետյանը նաեւ խոստովանել է, որ Մայամիի լուսանկարների հայտնվելուց ի վեր նախկին ամուսնուն չի տեսել։ Տաթեւիկը հստակեցրել է, որ չի խոչընդոտում երեխաների հետ նախկին ամուսնու շփմանը, եթե Իգորը ցանկություն է հայտնում հանդիպել՝ հայտնում է ժամանակը եւ տեղը: