Երևանում վրաերթի են ենթարկել Հայ Ավետարանչական ընկերության հոգևոր հովվին

Հայաստանի քննչական կոմիտեի Երևանի քննչական վարչության ավագ քննիչ Գոռ Թադևոսյանի կողմից նյութեր են նախապատրաստվում երեկ՝ ապրիլի 7-ին, Երևանում տեղի ունեցած վրաերթի փաստով: Ինչպես հայտնում է ֆոտոլրագրող Գագիկ Շամշյանը, ժամը 15:00-ի սահմաններում Դավիթաշեն 1-ին թաղամասի բնակիչ, 29-ամյա Ռուբեն Եսայանը Իսակովի պողոտայի 54/8 հասցեի դիմաց իր վարած Mercedes մակնիշի 91 RT 01 համարանիշի ավտոմեքենայով վրաերթի է ենթարկել Երևանի բնակիչ, 62-ամյա Համլետ Կյուրեղյանին: Վարորդը փախուստի չի դիմել, վրաերթի ենթարկվածին տեղափոխել է «Աստղիկ» բժշկական կենտրոն և դեպքի մասին տեղեկացրել Ճանապարհային ոստիկանության օպերատիվ կառավարման կենտրոն: Քննիչի հանձնարարականով ավտոմեքենան տեղափոխվել է Երևանի ՃՈ պահպանվող հատուկ տարածք: Գ. Շամշյանի տեղեկություններով՝ վրաերթի ենթարկվածն աշխատում է Հայ Ավետարանչական ընկերությունում՝ որպես հոգևոր հովիվ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: