Ովքեր են Կոմիտասի պողոտայում տեղի ունեցած վթարից տուժած քաղաքացիները

Ապրիլի 7-ին, ժամը 21:45-ին 911 ծառայությանն ահազանգ է ստացվել, որ Երևան քաղաքի Կոմիտասի պողոտայի և Փափազյան փողոցի խաչմերուկում տեղի է ունեցել ՃՏՊ, բախվել է երկու մարդատար ավտոմեքենա, կան տուժածներ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

 Պարզվել է, որ Կոմիտասի պողոտայի թիվ 21/2 հասցեի մոտակայքում բախվել են «Mazda» (վարորդ՝ Յ.Գ.) և «Toyota Camry» (վարորդ՝ Գ.Մ.) մակնիշների ավտոմեքենաները: Բախման հետևանքով «Toyota Camry» մակնիշի ավտոմեքենան բախվել է մոտակա վենդինգային ապարատին (սրճեփ սարք):

 Փրկարարները «Toyota Camry» մակնիշի ավտոմեքենայից դուրս են բերել ուղևորին՝ Ա.Հ.-ին (ծնված 1964 թ.), և մոտեցրել շտապօգնության ավտոմեքենային. վերջինս հոսպիտալացվել է «Միքայելյան վիրաբուժության ինստիտուտ», որտեղ բժիշկները տուժածի առողջական վիճակը գնահատել են միջին ծանրության:

 «Mazda» մակնիշի ավտոմեքենայի ուղևորը՝ Վ.Խ.-ն (ծնված 2001 թ.), հոսպիտալացվել է «Հերացի» թիվ 1 հիվանդանոցային համալիր, որտեղ բժիշկները տուժածի առողջական վիճակը գնահատել են միջին ծանրության: «Toyota Camry» մակնիշի ավտոմեքենայի վարորդը հոսպիտալացվել է «Միքայելյան վիրաբուժության ինստիտուտ», որտեղ անցել է համապատասխան հետազոտություն և հրաժարվել հետագա բուժօգնությունից:

Փրկարարները հոսանքազրկել են ավոտոմեքենաները և փակել գազի բալոնների փականները: