Լավրովը Բաքվում Ալիևի հետ քննարկել է նաև ԼՂ-ի հարցը
Trend լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովը Բաքվում հանդիպել է Ադրբեջանի նախագահ Իլհամ Ալիևի հետ և ի թիվս այլ հարցերի՝ քննարկել է նաև ԼՂ-ի հարցը: «Մենք, հիրավի, թե՛ նախագահի, թե՛ վարչապետի, թե՛ մեր նախարարության և, բնականաբար, թե՛ պաշտպանության նախարարության ու գլխավոր շտաբի մակարդակով ձեռնարկել ենք ամեն անհրաժեշտ բան, որպեսզի կողմերին օգնենք հասնելու հրադադարի մասին պայմանավորվածությանը։ Պատրաստ ենք աջակցել նրան, որ այդ պայմանավորվածությունը չխախտվի։ Եվ բնականաբար, ինչպես դուք (Իլհամ Ալիև) ասացիք կարևոր է հանդարտեցնել իրավիճակն այս կոնկրետ հարցում։ Հուսով եմ, որ վերջին օրերի իրադարձությունները մեզ ավելի ակտիվ կմղեն զբաղվելու քաղաքական կարգավորմամբ։ Մենք ունենք առաջարկներ, որոնց մենք համանախագահների հետ համատեղ ձգտում ենք ակտիվորեն գործարկել ի շահ Հայաստանի ու Ադրբեջանի միջև պայմանավորվածությունների ձեռքբերման։ Ես հուսով եմ, որ մենք կարող ենք այդ հարցերին ուշադրություն հատկացնել նաև միջնաժամկետ, երկարաժամկետ հեռանկարում և այդ մասին խոսել թե՛ այսօր, թե՛ վաղը։ Մենք ամբողջովին աջակցում ենք այն նախաձեռնություններին, որոնք ներկայումս ձեռնարկել են համանախագահները»,- ասել է նա։
Հետևեք մեզ Viber-ում
