Ես պատերազմի վտանգ ամեն ժամ զգում եմ. Սասուն Միքայելյան

Ես պատերազմի վտանգ ամեն ժամ զգում եմ, մենք պետք է միշտ պատրաստ լինենք պատերզմի։ Նման կարծիքի է ԱԺ պատգամավոր, «Քաղաքացիական պայմանագիր» կուսակցության վարչության նախագահ Սասուն Միքայելյանը։

Ինչպես ասաց` չի պնդում, որ պատերազմ է լինելու, պարզապես ցանկանում է զգոն լինել, քանի որ դրա վտանգն ամեն պահի կա:

«Մենք պետք է պատրաստ լինենք պատերազմի, դա փաստ է, իրողություն, որը պետք չէ հետաձգել, որովհետեւ մենք գիտենք, եթե թշնամին նման տեսակի, ժամանակակից զինուժ ունի, միլիարդների հասնող զենքեր է գնել, դրա համար մենք պետք է պատրաստ լինենք. զենքը մի օր պետք է կրակի չէ՞»,–հայտարարեց նա` համոզմունք հայտնելով, որ ներկայիս համախմբվախության արդյունքում է, որ պատերազմը մեկ քայլ հետ է մղվել։

Անդրադառնալով ԵԱՀԿ Մինսկի խմբի վերջին հայտարարությանը եւ փոխզիջումների հավանականության մասին` Միքայելյանն ասաց, որ խմբի անդամները միշտ էլ նման հայտարարություններ են անում:

«Այսօր շատ վաղ է փոխզիջումների մասին խոսելը, ադրբեջանցիք երբեւէ եկե՞լ են բանակցելու, որ խոսենք փոխզիջումներից, նման բան չի կարող լինել, ի՞նչ փոխզիջում, ինչը՞ ինչի դիմաց, կա՞ նման բան, որեւէ երկկողմանի քննարկում եղե՞լ է երկու պետությունների միջեւ՝ Հայստանի Հանրապետության կամ Արցախի կամ Ադրբեջանի։ Հողեր տալու մասին խոսում են առաջ քաշում որոնք ընդդիմադիր ուժերը՝ դիվիդենտներ շահելու համար, ընդհակառակը, հիմա ավելի ուժեղ ենք»,–ասաց նա։