«Ինչի՞ համար եք ինձ բերել այստեղ: Դուք հիվա՞նդ եք: Սա Օսվենցիմն է».Լուսաշենկոն բարկացավ
Բելառուսի նախագահ Ալեքսանդր Լուկաշենկոն Շկլովի շրջանի ագրոհոլդինգ կատարած այցի ժամանակ խիստ բարկացել է բարձիթողի վիճակի պատճառով և աշխատանքից ազատել է Մոգիլյովի մարզի ղեկավար Վլադիմիր Դոմանևսկիին:Տեսանյութում երևում է, թե ինչպես է Լուկաշենկոն բարկացած նկատողություն անում մարզպետին՝ տեսնելով անասնագոմի հակասանիտարական վիճակը:
«Այս կովը հազիվ է շարժվում: Ինչո՞ւ, ինչի՞ համար եք դուք ինձ բերել այստեղ: Որ ես հիմա անվտանգության ծառայությանը հանձնարարեմ ձեռնաշղթանե՞ր հագցնել ձեզ նրա հետ միասին : Դուք համարում եք, որ սա նորմա՞լ է: Դուք հիվա՞նդ եք: Սա Օսվենցիմն է : Այստեղ պետք է լինի չոր, մաքուր, հասկանո՞ւմ եք: Նրանք իրար վրա են կեղտոտում: Այստեղ պետք է կանգնի մի մարդ և անընդհատ մաքրի: Իսկ դուք ինձ համոզում եք, թե դա նորմալ է: Նայեք այս անասունին, նա ամբողջությամբ թրիքի մեջ է»,- բարկացել է նախագահը:
«Բացի մարզպետից ու մյուսներից, այստեղ եղել են մարդիկ, որոնք պետք է այդ ամենի համար պատասխանատու լինեին: Բոլորին դանակի տակ առնել: Բոլորին: Քրեական գործ հարուցել՝ օրենքի ամբողջ խստությամբ», - Լուկաշենկոն պահանջել է, որ մինչ երեկո իր սեղանին լինեն բոլոր այն մարդկանց անունները, որոնք իրեն ուղեկցել են այցի ժամանակ:
Հետևեք մեզ Viber-ում
