Ս.թ. մարտի 23-ին, Սասնա Ծռեր համահայկական շարժման ներկայացուցիչների հետ ՀՀ Արցախի մարզի Մարտունի քաղաքի մշակույթի տան դահլիճում նախատեսված հանդիպումը խափանելու նպատակով Արցախի մարզի թիվ մեկ օլիգարխ Արայիկ Հարությունյանի շահերը ներկայացնող կրիմինալ շրջանակների հայտնի ներկայացուցիչ Սամվել Աբրահամյանը, որն առավել հայտնի է «Ցավ» մականունով, իր մի խումբ ընկերների հետ միասին հերթապահում էր Մշակույթի տան բակում։ Այս մասին հայտարարություն է տարածել «Սասնա ծռեր» կուսակցությունը:
Հայտարարությունում նաեւ ասվում է.
«Նրանք փորձում էին իրենց սպառնալի ներկայությամբ մարդկանց վախ ներշնչել եւ հեռու պահել հանդիպմանը մասնակցելու մտքից։ Զուգահեռաբար՝ տարբեր ավտոմեքենաներ, որոնց մեջ նստած էին երիտասարդների խմբեր, պարբերաբար պտտվում էին հարակից փողոցներում, այնուհետեւ մոտենում էին Մշակույթի տանը, ապա՝ իրենց վրա ուշադրություն գրավելու նպատակով վիրաժներ կատարում եւ նորից հեռանում: Երբեմն էլ կանգնեցնում էին ավտոմեքենան, մոտենում Սամվել Աբրահամյանին, որը մշտապես գտնվում էր իր ավտոմեքենայի մեջ, ինչ որ ցուցումներ ստանում նրանից եւ հեռանում։ Մարտունի քաղաքում լուրեր էին շրջանառվում, որ իրավապահ մարմինները եւ կրիմինալ շրջանակները գրեթե բոլոր քաղաքացիներին տարբեր ձեւերով ճնշել են ու հորդորել չմասնակցել հանդիպմանը, եւ որ շատ շատերի վրա այդ ճնշումն ազդել է։ Սամվել Աբրահամյանը Մշակույթի տան մոտից իր ավտոմեքենայով հեռացել է միայն հանդիպման ավարտից հետո։ Տեղի ունեցածը մեկ անգամ եւս վկայում է այն մասին, որ Ստեփանակերտի հանցավոր ռեժիմը եւ նրա հենքը կազմող քրեաօլիգարխիկ շրջանակները, այդ թվում՝ 2020 թ. ընտրություններին Նախագահի թեկնածուի հավակնորդ Արայիկ Հարությունյանը, չեն փոխել եւ ի վիճակի էլ չեն փոխելու իրենց վարքագիծն ու մեթոդները։ Մարտի 1֊ի սպանդի ակտիվ դերակատարների եւ Բերձորի ջարդի կազմակերպիչների այդ խմբավորումը չարիք է ոչ միայն Արցախի, այլեւ ամբողջ հայկական պետականության համար։ Հիշեցնում ենք, որ "Ցավ" մականունով Սամվել Աբրահամյանը հայտնի է որպես Արցախյան ազատամարտի ժամանակ Մոնթե Մելքոնյանի դեմ գործած խմբավորման անդամ, ինչպես նաեւ որպես Տիգրան Նաղդալյանի սպանության եւ Մարտի 1-ի ու Բերձորի ակտիվ մասնակից: Նախկին հանցավոր ռեժիմին մատուցած ծառայությունների համար Տիգրան Նաղդալյանի սպանության գործով դատապարտվելուց կարճ ժամանակ անց հայտնվել է ազատության մեջ եւ մինչ օրս անպատիժ կերպով շարունակում է իր քրեական գործունեությունը։ Մարտունիում նախատեսված հանդիպումը, չնայած պաշտոնավոր եւ անպաշտոն հանցագործների համատեղ ջանքերին, կայացավ եւ բացահայտեց կեղեքման ու հայրենադավության նորանոր շերտեր, որոնց կանդրադառնանք առանձին հրապարակումներով։
Հունվարի 30-ին՝ ժամը 14։00-ին, Հայելի ակումբի հյուրն է Զարուհի Փոստանջյանը
Հունվարի 30-ին՝ ժամը 16։00-ին, Հայելի ակումբի հյուրն է Նարեկ Մանթաշյանը
Հունվարի 30-ին՝ ժամը 13։00-ին, Հայելի ակումբի հյուրն է Գառնիկ Դանիելյանը
Հունվարի 30-ին՝ ժամը 12։00-ին, Հայելի ակումբի հյուրն է Վոլոդյա Հովհանիսյանը
Հունվարի 29-ին՝ ժամը 14։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հունվարի 29-ին՝ ժամը 12։00-ին, Հայելի ակումբի հյուրն է արցախցի հասարակական-քաղաքական գործիչ Անաստաս Իսրայելյանը
Հունվարի 29-ին՝ ժամը 11։00-ին, Հայելի ակումբի հյուրն է ՀՀ ԶՈՒ պահեստազորի փոխգնդապետ Տիգրան Չոբանյանը
ԶԼՄ-ներին և «Իմնեմնիմի»-ի աջակիցներին հունվարի 29-ին` ժամը 16:00-ին հրավիրում ենք աջակցելու, Երևան քաղաքի քրեական դատարանի Ավանի նստավայրում (հասցե՝ Գյուլիքևխվյան 20), ապօրինի կալանավորված Նարեկ Սամսոնյանին և Վազգեն Սաղաթելյանին
Հունվարի 28-ին՝ ժամը 15։30-ին, Հայելի ակումբի հյուրն է Նարե Սոսեն
Հունվարի 28-ին՝ ժամը 16։00-ին, Հայելի ակումբի հյուրն է Սեյրան Չիլինգարյանը
Հետևեք մեզ Viber-ում
