ՀՀ այլեւս հնարավոր չէ ներկրել գաղտնալսման համար նախատեսված սարքավորումներ. ԱԱԾ տնօրեն
ԱԺ պաշտպանության եւ անվտանգության հարցերի մշտական հանձնաժողովի նիստին Ազգային անվտանգության ծառայության տնօրեն Արթուր Վանեցյանը տեղեկացրեց,որ ՀՀ այլեւս հնարավոր չէ ներկրել գաղտնալսման համար նախատեսված սարքավորումներ: Հանձնաժողովի նախագահ Անդրանիկ Քոչարյանը ԱԱԾ տնօրենին ասաց, որ ժամանակին Հայաստանում գաղտնալսելու հնարավորություն ուներ ոչ միայն ԱԱԾ-ն, այլեւ՝ որոշ այլ պետական կառույցներ ու օլիգարխներ։ «Հարցը մեր ուշադրության կենտրոնում է։ Հավաստիացնում եմ, որ այլեւս նման սարքեր չեն կարող ներկրվել։ Նման սարքերի ներկրումը օրենքով է արգելված, ու դրանք ներկրելու լիազորություններ ունեն միայն այն կառույցները, որոնք իրականացնում են օպերատիվ հետախուզական գործունեություն եւ թե՛ մաքսային հսկողությունը, թե՛ մեր կողմից իրականացվող հսկողությունը թույլ չի տա նման սարքերի ներկրումը Հայաստան»,- ասաց Վանեցյանը․ Վանեցյանը հստակ չպատասխանեց՝ արդյոք նախկինում նման սարքավորումներ ներկրվե՞լ են Հայաստան, թե՞ ոչ։ «Հավաստիացնում եմ, որ իրականցնում ենք բոլոր միջոցառումները։ Ունենք որոշակի տեղեկատվություն, որը ստուգման փուլում է ու, եթե կլինեն կոնկրետ արդյունքներ, անմիջապես կհրապարակենք»,- ասաց ԱԱԾ տնօրենը։
Հետևեք մեզ Viber-ում
