Դատական կարգով կվիճարկենք. Դավիթ Սանասարյան
Չեմ ընդունում Բարձրաստիճան պաշտոնատար անձանց էթիկայի հանձնաժողովի որոշումը, որ էթիկայի խախտում եմ թույլ տվել, այդ որոշումը վիճարկվելու է դատական կարգով: Այդ մասին այսօր ՝ մարտի 21–ին ասաց Պետական վերահսկողական ծառայության պետ Դավիթ Սանասարյանը՝ մեկնաբանելով Բարձրաստիճան պաշտոնատար անձանց էթիկայի հանձնաժողովի հայտարարությունը , որ էթիկայի խախտում է արձանագրել Սանասարյանի գործողություններում։ «Առաջինը, ինչի հետ ես համաձայն չեմ, նախ, պետք է վարույթ չհանձնվեր, բայց ուրախ եմ, որ նոր Հայաստանում Էթիկայի հանձնաժողովը կարողանում է իր լիազորություններն իրականացնել, և ես ամեն կերպ կնպասեմ, որ ոչ միայն այդ հանձնաժողովը, այլև մնացած կառույցներն իրենց իրավասությունների շրջանակներում գործեն: Ես անձամբ համաձայն չեմ իրավաբանների հետ»,– ասաց Սանասարյանը։ Նա նաեւ տեղեկացրեց, որ ցանկացել է տեսնել, թե նախկինում Բարձրաստիճան պաշտոնատար անձանց էթիկայի հանձնաժողովը քանի պաշտոնյանի վերաբերյալ է որոշումներ ընդունե. «Փորձեք հետաքննություն անել, կտեսնեք, որ նախկինում փաստորեն չի գործել այդ կառույցը, որոշումներ մի քանի պաշտոնյայի վերաբերյալ են եղել»։
Հետևեք մեզ Viber-ում
