Նախագահի լուսանկարիչը մեկնաբանում է Ռիտա Սարգսյանին չլուսանկարելու լուրերը
Երեկ Հայաստանի նախկին առաջին տիկին Ռիտա Սարգսյանը նույնպես ներկա է գտնվել թավջութակահար Նարեկ Հախնազարյանի երևանյան համերգին: Նշենք, որ ըստ Բաղրամյան 26 թելեգրամ ալիքի աղբյուրիՙ Ռիտա Սարգսյանը դժգոհել է, որ նախագահ Արմեն Սարգսյանի պաշտոնական լուսանկարիչն այլևս իրեն չի նկարահանում, և որ իրեն չնկարահանելու հրաման կա: Թելեգրամ ալիքում նշվում է, որ Սարգսյանը լուսանկարչին հարցրել, թե վերջինս չի ցանկանում իրեն նկարել, որին ի պատասխան լուսանկարիչը ժպտացել է և հեռացել: Armdaily.am-ի հետ զրույցում նախագահի պաշտոնական լուսանկարիչ Դավիթ Հակոբյանը նշեց, որ այդպիսի բան չի եղել.«Այս լուրերն անհեթեթություն են: Եթե Ռիտա Սարգսյանը ցանկանար, ապա ես մեծ սիրով իրեն կնկարեի»; Հակոբյանը նշեց, որ ինքը մոտեցել և բարևել է Ռիտա Սարգսյանին.«Բայց մեր մեջ այլ խոսակցություն չի եղել»:
Հետևեք մեզ Viber-ում
