Կոռուպցիոն ճանապարհով ձեռք բերված գույքը, փողը ներկայացրեք ու խոստովանական ցուցմունք տվեք. Նիկոլ Փաշինյան
«Նախկին բարձրաստիճան պաշտոնյաներին խորհուրդ եմ տալիս կոռուպցիոն ճանապարհով ձեռք բերված գույքն ու փողը վերադարձնել Հայաստանի Հանրապետությանը Նախկին բոլոր բարձրաստիճան պաշտոնյաները, բոլոր պաշտոնյաները, խոսքը, շեշտում եմ, պաշտոնյաների մասին է, շատ կարևոր է, որ մենք հանկարծ բիզնեսի, ներբիզնեսային հարաբերությունների մեջ չմտնենք։ Բարձրաստիճան պաշտոնյաներին խորհուրդ եմ տալիս կոռուպցիոն ճանապարհով ձեռք բերած փող, գույք, ամեն ինչ:Ներակայացեք իրավապահ մարմիններին, տվեք խոստովանական ցուցմունքներ ու վերադարձրեք այդ ամեն ինչը Հայաստանի Հանրապետությանը», -լրագրողների հետ հանդիպմանը հայտարարեց ՀՀ վարչապետ Նիկոլ Փաշինյանը։ «Հարցը եղել ու կլինի օրակարգում:Չմտածեք, որ մենք մոռացել ենք այդ օրակարգի մասին:Չենք կարող մենք այդ օրակարգի մասին մոռանալ, բացառված է, որ մենք դա մոռանանք։Ես ասել եմ ու ասելու եմ, որ այո′, մեր իրավապահ մարմիններն այս ուղղությամբ պետք է առավել արդյունավետ գործեն։ Եթե այստեղ ես չտեսնեմ ռեալ փոփոխություններ, ուրեմն պետք է գնամ կոնկրետ քայլերի, որովհետև որևէ մեկը թող հույս չունենա, որ մենք այս օրակարգը կմոռանանք»,-հավելեց վարչապետը:
Հետևեք մեզ Viber-ում
