Գազի խողովակները համ մտնում են, համ դուրս են գալիս.Նիկոլ Փաշինյան
«Հայաստանը գազի տարանցիկ երկիր դառնալու համար նոր խողովակներ չի կառուցելու: Գազի խողովակները առանձնահատկություն ունեն՝ համ մտնում են, համ դուրս են գալիս: Եթե գազը բերվում է Հայաստան, ապա կարող է նաև դուրս բերվել Հայաստանից՝ տարանցման համար։ Այսինքն՝ խոսքը նոր գազատարի մասին չէ, առնվազն այնքան ժամանակ, քանի դեռ եղած գազատարներով հնարավոր է իրականացնել առկա ծրագրերը»,- այս մասին ասուլիսում ժպիտը դեմքին վարչապետ Նիկոլ Փաշինյանը պատասխանեց իրանական գազի տարանցման մասին հարցին։ Նա տեղեկացրեց, որ Իրան այցից առաջ հեռախոսազրույցներ է ունեցել Ռուսաստանի, Վրաստանի և Թուրքմենստանի ղեկավարների հետ, քանի որ հետաքրքիր էին նաև նրանց մոտեցումները գազի տարանցման թեմայով։ Հենց այդ զրույցներից հետո, ըստ Փաշինյանի, գազի թեման դարձել է քննարկումների կարևոր կետերից մեկը։
Հետևեք մեզ Viber-ում
