Եթե վարչապետն անձամբ է զբաղվում կենցաղային խնդիրների լուծմամբ, ուրեմն լուրջ մտահոգվելու պատճառներ ունենք

Քանի ժամ շարունակ վարչապետ Նիկոլ Փաշինյանը Մասիսի գյուղերի բնակիչների հետ է շփվում։ Եկել է՝ տեղում ծանոթանա գյուղացիների խնդիրներիn։ Շատ ապրի։ Մոտ 3 ժամ նրա լայվերը նայեցի, իմ աչքով տեսա, որ այդ խնդիրներից մեկի համար լուծում գտավ երկրի ղեկավարը։ Մարդիկ տրանսպորտից էին բողոքում, առաջարկեց, որ երեկոյան ինչ-որ մի ֆիքսված ժամի Մասիսից մեկ ռեյս ավել արվի դեպի այդ գյուղ։ Լայվի 30-րդ րոպեից սկսած՝ մարդկանց բողոքները սկսեցին կրկնվել։ Համբերությամբ զինված ևս մի 2 ժամ նայեցի, ոչ մի նորություն չտեսա։ Հասկացա, որ եթե մի քիչ էլ շարունակեմ նույն ձև, ապա հանգիստ կարող եմ հավակնել երկրի համար 2 պարապ մարդու կոչմանը։ Ես ու ինքը՝ վարչապետ Նիկոլ Փաշինյանը։ Իսկ եթե ավելի լուրջ, ապա Փաշինյանի այս շրջայցերից սկսում եմ վախենալ։ Եթե պետական ապարատն այնքան խափանված է, որ վարչապետն անձամբ է ստիպված զբաղվել կոնկրետ գյուղի կոնկերտ բնակչի կենցաղային խնդիրներով, ուրեմն մենք շատ մտահոգվելու լուրջ պատճառներ ունենք։