Զավեշտ.«Հեռախոսս գողացել են». Աջափնյակի ղեկավարի առաջին տեղակալի սկանդալային գրառման բացատրությունը
Համացանցում մեծ արագությամբ տարածվում է Աջափնյակ վարչական շրջանի ղեկավարի առաջին տեղակալ Արամ Մանուկյանի ֆեյսբուքյան էջում տեղ գրած մի գրառում, որտեղ բառացիորեն գրված էր. «Երկուշաբթի գրում եմ դիմումս։ Ցանկություն չունեմ աշխատելու անթասիբ ու անինքնասեր ղեկավարի հետ»: Այս գրառումը, սակայն, կարճ ժամանակ անց հեռացվեց նրա էջից և հրապարակվեց նոր գրառում. «Ժողովուրդ ջան հեռախոսս գողացել են։ Ես շատ լավ, շատ ջեմ հարաբերությունների մեջ եմ վարչական շրջանի ղեկավարի հետ։ Ներողություն եմ խնդրում թյուրիմացության համար։ Մեղավորները անպայման կպատժվեն»:
Հետևեք մեզ Viber-ում
