Սա հեղափոխական շտապողություն էր. Ավետիք Իշխանյան
Օպերային հարակից տարածքների սրճարանների ապամոնտաժման աշխատանքները ես համարում եմ շտապողականություն։ Այս մասին ասաց Հելսինկյան կոմիտեի նախագահ, իրավապաշտպան Ավետիք Իշխանյանը։ «Ես կարծում եմ՝ կարելի էր շարունակել քննարկումները, որ այդ ապամոնտաժումը հնարավորինս մեղմ լիներ։ Երկխոսությունը հնարավոր էր, թեկուզ եթե երկար տեւեր։ Ինձ թվում է, որ սա ավելի շատ հեղափոխական շտապողականություն էր»,–նշեց նա` կասկածանք հայտնելով, թե արդյոք ապամոնտաժվելո՞ւ են բոլոր սրճարանները: «Ապամոնտաժում նշանակում է ոչ միայն Օպերայի հարակից տարածքը ապամոնտաժել, այլ նաեւ Օղակաձեւ զբոսայգին ու Զանգվի ձորի բոլոր ռեստորանները»,- ասաց նա:
Հետևեք մեզ Viber-ում
