Դուք էիք պահանջում հեղափոխություն, դուք էիք փողոցներ փակում ու հիմա առաջինը հենց ձեր սրճարանն են քանդում

«Երևանի քաղաքապետ Հայկ Մարությանի կողմից երեկ Հ1-ի եթերում հնչած հայտարարությունների մեծ մասը չի համապատասխանում իրականությանը: Իրենք անընդհատ նշում են ապօրինի շինությունները. ապօրինի շինությունները չեն կարող Կադաստրով վարձակալության վկայականներ ունենալ: Մեր սրճարանը վարձակալության հիմունքներով է ու տրված է Կադաստրով: Եթե նախկին իշխանությունն է տվել, դեռ չի նշանակում, որ ապօրինի է:Այն, ինչ տեղի է ունենում այժմ՝ վանդալիզմ է »,- հայտարարեց Օպերայի հարակից տարածքում գտնվող «Ատլանտիկ գարդեն» սրճարանի սեփականատեր Էլիզաբեթ Ղազարյանը: «Ես բոլորից ուզել եմ ընդամենը մեկ թուղթ՝ քաղաքապետի որոշումը, որ դուք այսօր իրավունք ունեք ապամոնտաժելու: Ինձ ոչ ոք նման թուղթ ցույց չի տվել»,- ասաց նա: «Սոզոնային շրջանում մենք ունենում ենք 28 աշխատակից, իսկ ոչ սեզոնային շրջանում՝ 10:Զավեշտալի է այն, որ  հեղափոխության օրերին հենց մեր սրճարանն է ակտիվ մասնակցել գործընթացներին, և այսօրվա իշխանություններն իրենց բոլոր ուրախությունները հենց «Ատլանտիկ գարդենում» էին անում: Ընդամենը մարդկային վերաբերմունք ենք պահանջում, ինչը այս դեպքում բացակայել է: Մեզընդամենը ծանուցել են տարածքն ազատել «ողջամիտ ժամկետում»: Կոնկրետ ժամկետ նշված չի եղել: Մենք կարող է ողջամիտ ժամկետ ենք համարում 1 տարին, մյուս սրճարանը ցուցե ողջամիտ ժամկետ է համարում 3 տարին»,- ասաց նա: Է. Ղազարյանը պնդում է՝ իրենք անպայման փոխհատուցում են պահանջելու, վնասել են իրենց ամբողջ գույքը, իսկ տարածքում գտնվող շատրվանն, ըստ նրա՝ արժե 25.000 դոլար»: Նրա խոսքով՝ բոլորն իրենց վրա ծիծաղում են՝ ասելով, որ դուք էիք պահանջում հեղափոխություն, դուք էիք փողոցներ փակում ու հիմա առաջինը հենց իրենց սրճարանն են քանդում: