«Ափսոս, որ սպանած լինեինք՝ սենց չէր լինի». ՊՊԾ գնդի նախկին հրամանատարը սպառնացել է Սասնա Ծռերին

Facebook-յան օգտատեր Հերմինե Մկրտչյանն իր էջում գրառում է արել ՊՊԾ գնդի նախկին հրամանատար Խաչիկ Ավետիսյանի և նրա այժմյան պաշտոնի՝ ոստիկանապետ Վալերիյ Օսիպյանի նշանակման մասին: Գրառման մեջ ասվում է. «Ափսոս, որ սպանած լինեինք սենց չէր լինի» Ինչպես հայտնի է այս խոսքերի հեղինակը ոստիկանության ՊՊԾ գնդի նախկին հրամանատար Խաչիկ Ավետիսյանն է, ով երեկ նաև դատարանի դահլիճում բացահայտ սպառնում և վիրավորում էր Սասնա Ծռերին: Ու պատկերացնում եք սույն անձը բավականին լուրջ և պատասխանատու պաշտոն է ստացել Օսիպյանի կողմից հուլիս ամսին և հանդիսանում է Ոստիկանության կազմակերպված հանցավորության դեմ պայքարի (6-րդ) գլխավոր վարչության պետի տեղակալ, 6-րդ գլխավոր վարչության հատուկ նշանակության բաժնի(սպեցնազի) պետ: Էս մարդն իր պահվածքով ու խոսքերով ապացուցում է, որ ինքն իրենով լուրջ վտանգ է մեր երկրի համար, քանի որ վերջինս, որպես նախորդ ռեժիմի կամակատար, ափսոսում է, որ նախկինում քիչ են սպանել, ու իր այդ հայտարարություններով փաստում, որ գործում է թավշյա հեղափոխության կանոններից դուրս: Կարծում եմ` գործող իշխանությունները պետք է լուրջ հետևություններ անեն: Խաչիկ Ավետիսյանի նմանները ոստիկանական համակարգում և հատկապես նման բարձր պաշտոններում Օսիպյանին իհարկե ձեռնտու են, բայց արդյո՞ք իշխանությունների համար ևս ձեռնտու են:   Այս պահվածքից ու խոսքերից հետո նրան պետք է առնվազն հեռացրած լինեին զբաղեցրած պաշտոնից: