Եթե միջազգային հանրությունն իրոք ուզում է խաղաղություն,պետք է սանկցիաներ կիրառի Ադրբեջանի նկատմամբ.Շարմազանով

«Նախագահի ուղերձը հստակ էր ԵԱՀԿ անդամ երկրների դեսպաններին, և սա փաստ է:  ՀՀ նախագահը հստակ նշեց, որ հրադադարի ռեժիմի խախտման և ահաբեկչական գործողությունների հեղինակը Ադրբեջանն է:  Ադրբեջանը, ուզի թե չուզի, պարտավոր է բանակցություն վարել Լեռնային Ղարաբաղի  հետ, որովհետև 94 թվականի զինադադարի ռեժիմը կնքել է նաև  Լեռնային Ղարաբաղի հետ: Եթե մենք խոսում ենք հրադադարի  ռեժիմին անցնելու մասին, ապա կա գործող զինադադարի ռեժիմ և կան պետություններ, որոնք պետք  է լինեն այդ զինադադարի գարանտները»,- ԱԺ-ում հայտարարեց  ԱԺ փոխնախագահ Էդուարդ Շարմազանովն  անդրադառնալով այսօր Վիեննայում նախատեսված ԵԱՀԿ Մինսկի խմբի համանախագահների հանդիպմանը: «Պետք է զորքերը հետ տանեն ինչպես եղել է ապրիլի 1-ի առավոտյան այսինքն՝ համապատասխան 94 թվականի զինադադարի։Ոչ հասցեական գնահատականները ոչ միայն չեն օժանդակում, այլ նաև մեր համոզմամբ խոչընդոտում են, խանգարում են խնդրի կարգավորմանը ու նոր թևեր են տալիս ահաբեկչին»,- ասաց նա և նշեց, որ կան պետություններ, որոնք ժամանակին «սիլիբիլի» էին անում Թուրքիայի հետ, հիմա էլ նույնը՝ Ադրբեջանի հետ, և մենք տեսնում ենք, որ դա լուրջ սպառնալիք է տարածաշրջանի համար: «Թուրքիան որպես պետություն, որ կապ ունի  ահաբեկչության հետ, արդարացնում է  Ադրբեջանի գործողությունները. 12-ամյա երեխայի,  տարեց մարդկանց դաժանաբար սպանությունը։ Այդ պետությունը չի կարող որևէ անելիք ունենալ կարգավորման գործընթացում»,- ասաց նա: Էդուարդ Շարմազանովն ասաց, որ եթե միջազգային հանրությունն  իրոք ուզում է խաղաղություն, ապա իր  սուբյեկտիվ կարծիքով  պետք է սանկցիաներ կիրառի Ադրբեջանի նկատմամբ: