Տնտեսական հեղափոխությունը ճոխ բառերով հնարավոր չէ անել. Ծառուկյան

  «Բոլոր գործարարներն էլ պետք է մասնակից լինեն տնտեսական հեղափոխությանը, բայց դրա համար պետք են պայմաններ:  Ճոխ բառերով դա հնարավոր չէ անել. Հիմա տանը նստի, մտածի, որ վաղը հարստանալու ես, ամսական էլ մեկ մլն ես ունենալու: Դրա համար պետք է քայլեր կատարես, չարչարվես, հիմքը պետ է լինի, ծրագիր լինի, ոչ թե քեզ մեկ մլն տան, գնաս ավտո առնես, հետո մի քանի ամիս հետո ստիպված լինես ծախես, որ պարտքերը տաս»,- ԱԺ-ում լրագրողների հետ զրույցում նշեց ԲՀԿ առաջնորդ Գագիկ Ծառուկյանը: «Տնտեսական հեղափոխության համար պետք է գումար ներդնել բոլոր ոլորտներում, ծրագիր լինի, որ իմանաս, որ տնտեսական աճ է լինելու: Տնտեսական աճի մեկ տոկոսը 12 մլրդ է, եթե 12 տոկոս աճ ունենանք, կողքից 500 մլն ներդրում պետք է արվի»,-հայտարարեց Ծառուկյանը՝ հավելելով, որ առանց գումար ներդնելու չի կարող տնտեսական հեղափոխություն լինի, պետք է առնվազն 3 տարի տարեկան 1,5-2 մլրդ դոլարի ներդրում արվի: