«Արցախը միավորել մայր Հայաստանին. սա՛ է Հայի առաքելությունը». Խաչիկ Ասրյան

Հորինված Ադրբեջանի՝ սուլթանիզմով ապրող բարձրագույն իշխանության կողմից այս շաբաթվա սկզբից՝ մարտի 11-ից իրականացվող 10.000-ից ավելի զինվորականներով ու նորարարական զինտեխնիկայով զորավարժությունների փաստին զուգահեռ, երեկ Արցախում տեղի ունեցավ երկու հայկական պետությունների բարձրագույն իշխանությունների կողմից կազմակերպված ազգայինանվտանգության խորհրդի նիստ, որը պետք է ունենար բացառապես մեկ օրակարգ. Հաշվի առնելով, որ շուրջ 25 տարուց ավելի Ադրբեջանի բարձրագույն իշխանությունը, ինչպես իրենց բնակավայրերում, այնպես էլ Երկիր մոլորակի տարբեր անկյուններում յուրաքանչյուր օր ջանադրաբար քարոզում է հայատյացություն, Ադրբեջանի սպառազինության՝ ժամանակակից զինտեխնիկայով անընդհատ համալրումը, Ադրբեջանի ղեկավարների ռազմատենչ հռետորաբանությունը, ասել է թե՝ մոտ ապագայում Ադրբեջանի կողմից վերսկսվող իրական պատերազմական գործողությունները՝ հայկական երկու պետությունների իշխանությունների կողմից կազմակերպված ազգային անվտանգության խորհրդի երեկվա նիստում պարտադիր պետք է որոշում ընդունվեր, որ, սույն թվականի մարտի 12-ից հաշված, 15-րդ օրը Հայաստանում և Արցախում պետք է անցկացնել ժողովրդական հանրաքվե՝ «Արցախը միավորել մայր Հայաստանին» օրակարգով: Ավելին՝ 16-րդ օրը Հայաստանի բարձրագույն իշխանությունը պաշտոնապես պետք է հայտարարեր համահայկական մոբիլիզացիա՝ Ադրբեջանի կողմից շատ շուտով վերսկսվող պատերազմից ամբողջ Հայկական բարձրավանդակը անսասան պահպանելու և Ադրբեջանին հակահարված տալու ու պատմական հայկական Նախիջևանը ազատագրելու համար: Ադրբեջանը միշտ արհամարհել և արհամարհում է խաղաղությունը, իսկ ներկայիս իրավիճակը, որ ձևականորեն խաղաղություն անունն է կրում, ինձ համար միշտ եղել է կեղծ, պայմանական և անհեռանկարային: Ուզենք, թե չուզենք, շատ շուտով Ադրբեջանը վերսկսելու է պատերազմական հայատյաց գործողությունները: Չպաշտպանել և հրաժարվել Հայոց Սուրբ Հողիցդ՝ նշանակում է՝ չպաշտպանել և հրաժարվել ծնողներիցդ ու զավակներիցդ: Կյանքի՛ գնով պետք է պաշտպանել Հայոց Սուրբ Հողը: