«Ջանջուղազյան իջիր». բողոքի ակցիայի մասնակիցները «դըմփ-դըմփ-հու» արեցին
Կառավարության շենքի դիմաց գրավատների և փոխանակման կետերի աշխատակիցները պահանջում էին ֆինանսների նախարար Ատոմ Ջանջուղազյանի հետ հանդիպում : Նրանք բողոքում են «Պետական տուրքի մասին» ՀՀ օրենքում սպասվող փոփոխությունների դեմ, որով նախատեսվում է շուրջ 60 անգամ ավելացնել գրավատների պետական տուրքերը:
Ջանջուղազյանն է այս նախաձեռնության հեղինակը: Ակցիայի մասնակիցները նաև պահանջում էին, որ իջնի և իրենց հանդիպի վարչապետի տեղակալ Մհեր Գրիգորյանը, սակայն նրանք չէին իջնում ներքև:
«Ասում են ժողովուրդ, ժողովուրդ, ի՞նչ ա, մենք էսքան մարդ ժողովուրդ չե՞նք, որ չեն իջնում»,-լրագրողների հետ զրույցում իր դժգոհությունը հայտնեց հավաքվածներից մեկը:
Կանանցից մեկն էլ նկատեց, որ եթե այսպես շարունակվի՝ կարտագաղթեն:
«Սաղ օր հեռուստացույցով ասում են՝ եկեք, եկեք, գան ի՞նչ անեն: Ինչի՞, չե՞ն տեսնում, որ մենք էսքան գալիս կառավարության դիմաց բողոքում ենք. չե՞ն տեսնում, որ ամեն ինչ այնպես չէ, ոնց ներկայացնում են: Մարդիկ դրսում աշխատանք ունեն, գան՝ ի՞նչ անեն»,-սրտնեղած ասած կինը:
Ակցիայի մասնակիցները նկատում են, որ այս որոշման ընդունմամաբ գործազրկության թիվը աճելու է, քանի որ բոլոր գրավատները կփակեվեն ու մարդիկ կզրկվեն աշխատելու հնարավորությունից:
«Եկեք թարս նստենք, դուզ խոսենք, ոնց ասում են, 20 տարի Հանրապետական կուսակցությունը, որին բոլորս մեղադրում ենք օյ–օյ երկիրը քանդել են, տնտեսավարողներին ճնշել են, էդքանը չե՞ն մտածել, որ կարելի է սրանց վրա ֆինանսական բեռ դնենք, որ ճռռալով տան, որ քսան տարի մտածել ենք՝ թալանչի են»,–ասաց բողոքի ակցիայի մասնակիցներից մեկը՝ Հայկ Սահակյանը:
Հարցին լուծում տալու համար, ակցիայի մասնակիցները պատրաստ են մինչև անգամ փողոց փակել:
Նրանք կառավարության դիմաց սկսեցին շարժման խորհրդանիշ դարձած հայտնի «Դըմփ-դըմփ-հու»-ն:
Հետևեք մեզ Viber-ում
