Ծանր ընտրության առջև. ինչպես Ալիևը կխաբի Կրեմլին
Ռուսաստանի Պետդումայի՝ ԱՊՀ, եվրասիական ինտեգրացիայի և հայրենակիցների հետ կապերի կոմիտեի ղեկավար Լեոնիդ Կալաշնիկովը համոզված է, որ Ադրբեջանի կապերի սերտացումը եվրասիական ինտեգրացիոն և ռազմական կառույցների հետ կարող է նպաստել ԼՂ հակամարտության կարգավորմանը։ «Ինձ թվում է, որ կարող է: Ցանկացած մերձեցում ոչ միայն եվրասիական ինտեգրացիոն կառույցների հետ, այլև ՀԱՊԿ-ի հետ, կարող է օգնել կարգավորել այդ խնդիրը: Ես միշտ ասել եմ, որ, ցավոք, ԵԱՀԿ Մինսկի խմբի որոշ պետություններ, այդքան էլ հետաքրքրված չեն, որ որոշ հակամարտություններ հանդարտեցվեն, այլ ընդհակառակը՝ հետաքրքրված են դրանց թեժացմամբ», - ասել է Լեոնիդ Կալաշնիկովը Media.az-ին տված հարցազրույցում: Նա վստահ է, որ հարևաններն ավելի արագ կլուծեն խնդիրները, եթե հետաքրքրված են, որ իրենց սահմաններում խաղաղություն տիրի: «Այնպես որ, Ռուսաստանի, Ադրբեջանի նախագահները և Հայաստանի վարչապետը պետք է հանդիպեն և լուծեն խնդիրը: Եվ, իհարկե, դրան կօգնի Ադրբեջանի անդամակցությունը ինտեգրացիոն կառույցներ», - ասել է Կալաշնիկովը: Մոսկվան նոր ազդանշան է տալիս Ալիևին, թե որ դեպքում կարող է «զբաղվել» լրջորեն ղարաբաղյան կարգավորմամբ: Այս ազդանշանը նշանակում է նոր ուղերձ Ալիևին՝ «եթե ուզում ես ղարաբաղյան հակամարտության կարգավորման հարցում ճնշումներ գործադրենք Հայաստանի ուղղությամբ՝ պետք է քո կողմից այնպիսի քայլ անես, որպեսզի, մենք դրա դիմաց հայ գործընկերներին ճնշենք... Մինչև հիմա Ալիևին հաջողվել է ձգել Ադրբեջանի՝ ԵԱՏՄ անդամակցության գործընթացը: Բայց ինչպես երևում է Մոսկվան պարբերաբար հրապարակ է նետում «գրավիչ» թեման, որպեսզի շոշափի Ալիևի տրամադրություններն այդ հարցում: Ալիևը դեռ որքան կդիմադրի՝ պարզ չէ: Մի կողմից նա ցանկանում է ղարաբաղյան հարցի շուտափույթ լուծում, սակայն մյուս կողմից, լինելով Ռուսաստանի համար վստահելի գործընկեր, ինչպես այդպես նրան անվանում է անձամբ Պուտինը, չի ցանկանում մեծացնել Ռուսաստանի ազդեցությունը Ադրբեջանի նկատմամբ: Ալիևը կտրուկ չի կարող է մերժել Պուտինի առաջարկը, սակայն մյուս կողմից էլ նա շարունակելու սիրաշահել նրան, որպեսզի չզայրացնի Ռուսաստանի ղեկավարին: Ծանր ընտրության առաջ է կանգնած Ալիևը: Ի՞նչ կառաջարկի Ալիևը Պուտինին՝ ԵԱՏՄ-ին Ադրբեջանի անդամակցության թեման մոռացության տալու նպատակով... Մետաքսյա Շալունց
Հետևեք մեզ Viber-ում
