Ամերիաբանկի ամփոփ տեղեկատվությունը՝ իր ԿՍՊ գործունեության վերաբերյալ

Ամերիաբանկն, ամփոփելով 2018թ. ընթացքում իր ԿՍՊ (Կորպորատիվ սոցիակալան պատասխանատվություն) ռազմավարության ներքո իրականացրած աշխատանքները, ներկայացնում է արդյունքները: Հաշվետու տարում Բանկի կողմից բարեգործական, սոցիալական եւ աջակցության նպատակներով հատկացվել է 94,2 մլն ՀՀ դրամ, որի գերակշիռ մասն ուղղվել է առողջապահության եւ կրթության ոլորտների աջակցմանը, համապատասխանաբար՝ 64 մլն ՀՀ դրամ եւ 9 մլն ՀՀ դրամ: Ընթացիկ տարում Բանկն ակտիվորեն շարունակում է հանդես գալ տարբեր ոլորտների աջակցմանն ուղղված ծրագրերով եւ տարեսկզբից արդեն նվիրաբերել է մոտ 55 մլն ՀՀ դրամ, որն ուղղվել է ուղղակիորեն երեխաների առողջության վերականգնմանը եւ համապատասխան բժշկական կենտրոններին անհրաժեշտ սարքավորումներով ապահովմանը: Ամերիաբանկը 2017թ-ից ի վեր իրականացրել է բազմաթիվ բարեգործական, սոցիալական ծրագրեր տարբեր ոլորտներում, մասնավորապես՝ կրթության, մշակույթի, առողջապահության, ենթակառուցվածքային զարգացման` կատարելով 10,1 միլիարդ ՀՀ դրամի ներդրում: Բանկն առավելապես ներգրավվածություն է ունեցել կրթության ոլրտում` հատկացնելով շուրջ 412 մլն ՀՀ դրամ, եւ առողջապահության ոլորտում` 320 մլն ՀՀ դրամ: Կրթության ոլորտում տրամադրվել են կրթաթոշակներ ԲՈՒՀ-երին, դպրոցներին, միջոցներ են հատկացվել առանձին խմբերին, ինչպես նաեւ դպրոցների ենթակառուցվածքների բարելավմանը: Բանկը մշտապես մասնակցել է տարբեր սոցիալական ծրագրերի՝ ուղղված սոցիալապես անապահով ընտանիքների աջակցությանը: Հինգ տարի անընդմեջ Բանկի կողմից կազմակերպվել են տարբեր ուղղվածության աճուրդներ՝ Բանկի հաճախորդների եւ գործընկերների մասնակցությամբ, որոնց ընթացքում հավաքագրված գումարը կրկնապատկվել է Բանկի կողմից եւ ընդհանուր գումարով մոտ 300 մլն ՀՀ դրամ ուղղվել հրատապ օգնություն պահանջող հիվանդություններ ունեցող 135 երեխայի բուժմանը: Ամերիաբանկի աշխատակիցները եւս ակտիվորեն ներգրավված են տարբեր սոցիալական ծրագրերում, որոնք իրականացվում են հիմնականում մարզերում: Միաժամանակ գործում է բարեգործական հաշիվ, որի միջոցներն ուղղվում են բազմապիսի բարեգործական նախագծերի իրականացմանը: Ընթացիկ տարում Ամերիաբանկն ավելի ակտիվորեն խթանելու/աջակցելու է փոքր եւ միջին բիզնեսին, որի ներքո կազմակերպվելու են տարբեր դասընթացներ, փորձի փոխանակմանն ուղղված աշխատանքային հանդիպումներ` հիմնական միջոցառումներն իրականացնելով մարզերում: Ամերիաբանկը բարեգործական ծրագրերի մեծաքանակ հայտերի մեջ նախապատվությունը տալիս է այն կազմակերպություններին, որոնք համապատասխանում են Բանկի որդեգրած ԿՍՊ քաղաքականությանը եւ ներկայացնում են մշակված, հստակ ծրագրեր: