Շղթայական ավտովթար Երևանում

Այսօր՝ մարտի 8-ին, շղթայական ավտովթար է տեղի ունեցել Երևանում։ Ժամը 12։55-ի սահմաններում Մյասնիկյան պողոտայում՝ «Քրեյզի» գիշերային ակումբի դիմաց, բախվել են Range Rover մակնիշի 95 ՏX 001 համարանիշի, Mercedes մակնիշի 35 NN 909 համարանիշի, Opel մակնիշի 45 FF 045 համարանիշի և Nissan մակնիշի 35 GG 959 համարանիշի ավտոմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, զոհեր և վիրավորներ չկան։ Վարորդները վթարի մասին տեղեկացրել են Երևանի ճանապարհային ոստիկանության օպերատիվ կառավարման կենտրոն ու սպասում են, մինչև կժամանեն ճանապարհային ոստիկաններն ու ապահովագրական ընկերությունների ներկայացուցիչները; Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: