Աղմուկը փրկեց Դավիթ Սանասարյանին

Այսօր Politik.am-ը գրեց, որ իրենց տեղեկություններով «Զորաշենի» գործով ԱԱԾ-ն ցանկացել է ձերբակալել ՊՎԾ պետ Դավիթ Սանասարյանին, սակայն դա կանխվել է վարչապետի կողմից, Փաշինյանը մտավախություն է ունեցել, որ այդ կերպ իր իշխանության դեմ կհանի Սանասարյանին աջակցող քաղաքացիական հասարակության ներկայացուցիչներին, ովքեր բավական ազդեցիկ են և այս ամիսներին ամեն կերպ պաշտպանել են նոր իշխանություններին, անգամ երբ ակնհայտ օրինախախտումներ են եղել: Hayeli.am—ին հայտնի է դարձել, որ եթե մինչեւ աղմուկ բարձրանալը Փաշինյանը ցանկացել է պաշտոնանկ անել Սանասարյանին, բայց աղմուկը փրկել է նրան, քանի որ դա կնշանակեր ընդունել իր իշխանությանը հասցեագրված մեղադրանքները։ Մամուլում բազում նյութեր են եղել, որ Փաշինյանի եւ Սանասարյանի հարաբերությունները հարթ չեն ընթանում, Փաշինյանը գոհ չէ Սանասարյանի աշխատանքից եւ վաղ թե ուշ կազատվի նրանից։