Դա համակարգի ամենաբարդ հարցերից է. Արայիկ Հարությունյան

Շարունակվում է ԱԺ-կառավարություն հարցուպատասխանը: «Իմ քայլը» խմբակցության պատգամավոր Արամ Խաչատրյանը ԿԳ նախարար Արայիկ Հարությունյանից փորձեց ճշտել կառավարության տեսակետը սահմանամերձ գյուղերում առաջացած խնդիրների վերաբերյալ:  ՀՀ կրթության և գիտության նախարար Արայիկ Հարությունյանը նշեց, որ դա համակարգի ամենաբարդ հարցերից է. «Նախկինում համատարած «մի սանրով սանրելն» ու օպտիմալացնելն ընդունելի չէ, դեմոգրաֆիական այդ պայմաններում դպրոց փակելը նշանակում էր, որ գյուղն, ըստ էության, դադարում էր գոյություն ունենալ»: Նախարարը հայտնեց, որ իրենք մոդել են մշակել՝ դպրոցները կրթամշակութային կենտրոնի վերածել, որ մեկ հարկի տակ լինի նախակրթարան կամ մանկապարտեզ, որը կրթական հաստատություններն իրենց ունեցած ֆինանսների սահմաններում կարողանան կյանքի կոչել: Հարությունյանի խոսքով՝ դպրոցների վերանորոգումն ու վերակառուցումն կարվեն այնպես, որ դպրոց-մանկապարտեզ-մշակութային կենտրոն լինեն մի հարկի տակ, այսպիսով, ըստ նախարարի, ուսուցիչների զբաղվածությունը կբարձրանա: Նա համաձայնեց՝ բնակչության կրթական ցենզը շատ է ընկել: