Ինչո՞ւ են փակվում կայացած կառույցները

«Իմ քայլը» խմբակցության պատգամավոր Արմեն Եղիազարյանը ԱԺ-ում հայտարարեց, որ իր ունեցած տեղեկություններով՝ «Հայաստանի փոքր ու միջին ձեռնարկությունների  զարգացման ազգային կոմիտե» հիմնադրամի մասնաճյուղերը ստացել են ծանուցագրեր առ այն, որ սույն թվականի մարտի 16-ին պետք է փակվեն:Նա հարց ուղղեց տնտեսական զարգացման և ներդրումների նախարար Տիգրան Խաչատրյանին, նշելով, որ իր համար հասկանալի չէ՝ ինչու են փակվում այդ կայացած կառույցները, այն դեպքում երբ որ միայն 2018 թվականին ՓՄՁ պետական աջակցության շրջանակում մոտ 4000 սկսնակ և գործող փոքր և միջին ձեռնարկությունների տրամադրվել է 8900 աջակցություն: Եղիազարյանը հետաքրքվեց՝ արդյոք նպատակահարմար չէ այս ամենը իրականացնել արդեն գործող կառույցների միջոցով: