Ուրիխանյանի օրինագիծն ընդունվեց.լավ լուր ուսանողների համար

ԱԺ-ն առաջին ընթերցմամբ ընդունեց ԲՀԿ խմբակցության պատգամավոր Տիգրան Ուրիխանյանի հեղինակած օրինագիծը, ըստ որի բուհերի ուսանողներին հնարավորություն կտրվի ուսման վարձերը վճարել ոչ թե կիսամյակային կտրվածքով, այլ՝ ամսեամիս։ 2-րդ ընթերցմամբ և ամբողջությամբ ընդունվեց ԼՀԿ խմբակցության ներկայացրած օրինագիծը, որով երկարացվում է զինծառայությունից խուսափած, 27 տարին լրացած անձանց ներելու, օրենքով սահմանված գումարը վճարելու և հայրենիք վերադառնալու ժամկետը։ Այսպիսով՝ ԱԺ քառօրյա նիստերի օրակարգը սպառվեց։ Ժամը 16։30-ին տեղի կունենա պատգամավորների և կառավարության անդամների հարցուպատասխանը։