«Մենք այս հարցը պետք է լուծենք». Տիգրան Սարգսյանը վերջնաժամկետ է ներկայացրել
Եվրասիական տնտեսական հանձնաժողովի (ԵԱՏՀ) կոլեգիայի նախագահ Տիգրան Սարգսյանը Regnum-ին տված հարցազրույցում խոսել է ԵԱՏՄ շրջանակում գազի, նավթի ու նավթամթերքի ընդհանուր շուկաների ստեղծման ֆոնին գազի գնի նվազման հավանականության մասին:Տիգրան Սարգսյանն ընդգծել է. «Մենք այս հարցը պետք է լուծենք արդեն 2019 թվականին: Բոլոր երկրներն էլ հետաքրքրված են, որ գազի տարանցիկ գինը նվազագույն լինի և որ գազի գինը հավասար մրցակցային պայմանների ստեղծման հնարավորություն ընձեռի: Գազի ընդհանուր շուկայի ձևավորման՝ 2016թ. մայիսին հատատված հայեցակարգի համաձայն՝ ԵԱՏՄ շրջանակում նախատեսված է գազի բորսային առևտուր: Այսինքն՝ դրա գինը ձևավորվելու է շուկայի հիմնական սկզբունքներից ելնելով: Շուկայական գնագոյացմանն անցումը, այդ թվում՝ ընդհանուր շուկայում գազի բորսային առևտրի ստեղծումը, և ոչ խտրական հիմքով գազի տարանցման սակագների ձևավորումը կնպաստի շուկայի մասնակիցների թվի ավելացմանն ու սպառողների համար գազի գնի կայունացմանը»:
Հետևեք մեզ Viber-ում
