Թեժ բանավեճ «Իմ քայլը» և «Բարգավաճ Հայաստան» խմբակցությունների պատգամավորների միջև
Այսօր ԱԺ հերթական նիստի ժամանակ ԲՀԿ-ական պատգամավոր Գևորգ Պետրոսյանի ելույթից հետո ԱԺ «Իմ քայլը» խմբակցության պատգամավոր Արեն Մկրտչյանը, իր ելույթում ասաց,- «Պարոն Գևորգ Պետրոսյան, ես Ձեզ կոռեկտության կոչ եմ անում, այլապես մենք ստիպված կլինենք Ձեզ հետ կոռեկտության սեմինարներ անցկացնել և վերջում գրավոր ու բանավոր քննություն ընդունել»։ Նրա այս խոսքից հետո թեժ բանավեճ սկսվեց, ԲՀԿ-ական պատգամավորներից ոմանք սկսեցին հեգնել: Այնուհետև Գևորգ Պետրոսյանն իր ելույթում պատասխանելով նրան` ասաց. «Ձեր ինձ դասավանդելու հնարավորությունն այնքան խելամիտ է, որքան, որ ես հիմա կարող եմ շրջվել և տախտակի վրա նկարել Այվազովսկու «9-րդ ալիք»-ը։ Ի՞նչ է նշանակում՝ իմ բացակայությամբ հեգնում եք ինձ, դա "սազական" չէ տղամարդուն, առավել ևս՝ պատգամավորին»:
Հետևեք մեզ Viber-ում
