Եթե հակառակորդն անընդհատ ասում է՝ հեսա հարձակվելու ենք, պաշտպանության նախարարն ի՞նչ պետք է անի.Դ. Տոնոյան
«Եթե հակառակորդն անընդհատ մեզ դնում է այնպիսի վիճակի մեջ, որ ասում է՝ հեսա հարձակվելու ենք, հեսա պատերազմելու ենք, հեսա ազատելու ենք մեր տարածքները, պաշտպանության նախարարն ի՞նչ պետք է անի. նախարարը բարձրացնում է հասարակության եւ զինված ուժերի բարոյահոգեբանական վիճակը: Շատ տեղեկատվություններ, որ գալիս են մեր հակառակորդի կողմից, ներբեռնվում են Հայաստանի լրատվամիջոցներում: Մենք աշխատում ենք, որպեսզի հանրության մոտ հոգեբանությունը փոխվի: Իսկ պատերազմի միշտ պետք է պատրաստ լինել, քանի բանակցային գործընթացը չի ավարտվել»,- «Եռաբլուր» պանթեոնում լրագրողների հետ զրույցում նշեց պաշտպանության նախարար Դավիթ Տոնոյանը: Անդրադառնալով 2008 թվականի մարտի 1 դեպքերին, Դավիթ Տոնոյանն ասաց. «Զինված ուժերը մարտի 1-ի դեպքերից առաջ, թե հետո, արտակարգ իրավիճակ հայտարարելու հետ կապված օգտագործվել են, այսինքն ներկա են եղել Երեւանում: Մարտի 1-ի դեպքերին զինված ուժերի ներկա լինելու իրավաչափությունը դատարանով է հաստատվելու»:
Հետևեք մեզ Viber-ում
