Շնորհավո՛ր ծննդյանդ օրը, Սպարապե՛տ. Խաչիկ Ասրյան
Խաչիկ Ասրյան. Շնորհավո՛ր ծննդյանդ օրը, Սպարապե՛տ «Ազգի Սպարապետը չի ծնվում էվոլյուցիայի ընթացքում, նա ծնվում է ազգի համար անկանխատեսելի փորձությունների պահին»։ Այսօր՝ մարտի 5-ին, Հայաստանի և Արցախի ազգային հերոս Վազգեն Սարգսյանի ծննդյան օրն է: Մենք՝ «Հայոց Արծիվներս», անցյալ ժամանակով չենք ողջունում Ձեզ, Սպարապե՛տ, որովհետև Դուք հաղթանակի բարձունքներից անդադար նայում և Եռաբլուրից հպարտորեն հսկում եք հայերիս անվտանգությունը: Դո՛ւք եք հաղթանակած հայ ժողովրդի աննահանջ պայքարի զավակը, Հայոց Ազգային Բանակի մշակն ու սերմնացանը, 20-րդ դարավերջին մեր նոր փորձության երկաթյա կամքի, հայ ազգի աներեր դիմադրության անմերժելի մարմնավորումը: Անավարտ երազներիդ դրոշն ամուր է մեր ձեռքերում, քանզի պարտությունը՝ որպես պատմական հիշողություն, հակացուցված է հայերիս: Պատերազմի ամենօրյա վտանգն այսօր էլ Ձեզ հանգիստ չի տալիս: Ձեր աննկուն ոգին շրջում է հայոց սահմանների վրա՝ զգաստության կոչ անելով կրտսեր զինակիցներին ու սպաներին՝ չդառնալ թշնամու դիպուկահարի զոհ, ամեն վայրկյան զգոն լինել՝ ի պաշտպանություն հող հայրենիի անխոցելիության: Փա~ռք քեզ, հայո՛ց Սպարապետ: Շնորհավո՛ր ծննդյանդ օրը, Վազգեն Սպարապե՛տ:
Հետևեք մեզ Viber-ում
