Ձերբակալվել է Հրազդանի անտառտնտեսության տնօրենը
hraparak.am-ի տեղեկություններով՝ քիչ առաջ ձերբակալվել է Հրազդանի անտառտնտեսության տնօրեն՝ Արտաշ Հունանյանը: Օրեր առաջ քրեական գործ էր հարուցվել Կոտայքի մարզային քննչական վարչությանում: Գրել էինք, որ գործի շրջանակներում հարցաքննվել են «Հայանտառ» ՊՈԱԿ-ի Արզականի, Մեղրաձորի, Ծաղկաձորի մասնաճյուղերի աշխատակիցները: «Կոճղաշիվային վերաճի օժանդակում» ծրագրի շրջանակներում նախագծանախահաշվային փաստաթղթերի կազմման և կոճղաշիվային վերաճի օժանդակման աշխատանքների իրականացման համար գումարներ է փոխանցել «Հայանտառ» ՊՈԱԿ-ի (Արզական, Մեղրաձոր, Ծաղկաձոր) մասնաճյուղերին, սակայն այդ գումարները նպատակին չեն ծառայել: Քննչական կոմիտեից հաստատեցին Արտաշ Հունանյանին ձերբակալվելու փաստը եւ հայտնեցին, որ նրան մեղադրանք է առաջադրվել առանձնապես խոշոր չափերի յուրացում կատարելու համար: Նշենք, որ Արտաշ Հունանյանը ՀՅԴ կուսակցությունից է, եւ 7-րդ գումարման ԱԺ ընտրություններում ռեյտինգային թեկնածու էր Կոտայքի մարզում:
Հետևեք մեզ Viber-ում
